മസ്ക്കറ്റ്: കോവിഡ് വാക്സിന്റെ ബൂസ്റ്റർ ഡോസ് സ്വീകരിക്കണമെന്ന അഭ്യർഥനയുമായി ഒമാൻ ആരോഗ്യ പ്രതിരോധ മന്ത്രാലയം. ലോകത്തിന്റെ വിവിധ ഭാഗാനങ്ങളിൽ കോവിഡ് ബാധിതരാകുന്ന ആളുകളുടെ എണ്ണത്തിൽ വീണ്ടും വർധന ഉണ്ടാകുന്ന സാഹചര്യത്തിലാണ് ഇപ്പോൾ ബൂസ്റ്റർ ഡോസ് സ്വീകരിക്കണമെന്ന ആവശ്യം ആരോഗ്യ മന്ത്രാലയം ഒമാൻ ജനതക്ക് മുന്നിൽ വച്ചത്.
ഇതുവരെയും കോവിഡ് വാക്സിന്റെ മൂന്നാം ഡോസ് സ്വീകരിക്കാത്തവരും, 9 മാസം മുൻപ് മൂന്നാമത്തെ ഡോസ് സ്വീകരിച്ചവരും ബൂസ്റ്റർ ഡോസ് സ്വീകരിക്കണമെന്ന് അധികൃതർ വ്യക്തമാക്കി. കൂടാതെ ബൂസ്റ്റര് ഡോസ് ഒമാനിലെ എല്ലാ ആരോഗ്യ കേന്ദ്രങ്ങളില് നിന്നും സൗജന്യമായി ലഭിക്കുമെന്നും മന്ത്രാലയത്തിന്റെ അറിയിപ്പില് വ്യക്തമാക്കുന്നുണ്ട്.
Read also: പീഡന കേസ്; വിജയ് ബാബുവിന്റെ അറസ്റ്റ് രേഖപ്പെടുത്തി