ന്യൂഡെൽഹി: യുക്രൈനിലെ യുദ്ധമുഖത്തു നിന്ന് ഇന്ത്യയിലേക്ക് ഓപ്പറേഷന് ഗംഗയിലൂടെ മടങ്ങിയെത്തിയ മെഡിക്കല് വിദ്യാര്ഥികള്ക്ക് ഇന്ത്യയില് തന്നെ പഠനം ഉറപ്പാക്കണമെന്ന് ആവശ്യപ്പെട്ട് ഡെല്ഹി ഹൈക്കോടതിയില് ഹരജി. പ്രവാസി ലീഗല് സെല്ലാണ് സംഘടനയാണ് ഹൈക്കോടതിയില് ഹരജി ഫയല് ചെയ്തത്.
ഇരുപത്തിനായിരത്തില് അധികം മെഡിക്കല് വിദ്യാര്ഥികളാണ് ഇന്ത്യയിലേക്ക് മടങ്ങിയെത്തിയത്. രാജ്യത്തിലേക്ക് മടങ്ങിയെത്തിയ വിദ്യാര്ഥികള്ക്ക് പഠനം തുടരാനുള്ള നടപടികള് സ്വീകരിക്കാന് കേന്ദ്ര സര്ക്കാരിനോടും ദേശീയ മെഡിക്കല് കമ്മീഷനോടും നിർദ്ദേശിക്കണമെന്ന് ആവശ്യപ്പെട്ടാണ് ഹരജി ഫയല് ചെയ്തിരിക്കുന്നത്.
ഭരണഘടനയുടെ ഇരുപത്തി ഒന്നാം അനുച്ഛേദ പ്രകാരം വിദ്യാര്ഥികള്ക്ക് ഇന്ത്യയില് പഠനം പൂര്ത്തിയാക്കാനുള്ള അവകാശമുണ്ടെന്നും ഹരജിയില് ചൂണ്ടിക്കാട്ടുന്നു. അഭിഭാഷകന് ജോസ് എബ്രഹാം മുഖേനയാണ് പ്രവാസി ലീഗല് സെല്ലിന്റെ ഹരജി ഫയല് ചെയ്തിരിക്കുന്നത്. ഹരജി മാര്ച്ച് 21ന് ഡെല്ഹി ഹൈക്കോടതി പരിഗണിച്ചേക്കും.
Read Also: എച്ച്എൽഎൽ ലേലം; മോദിയ്ക്ക് കത്തയച്ച് പിണറായി വിജയൻ