തിരുവനന്തപുരം: പെട്രോൾ-ഡീസൽ വില വീണ്ടും വർധിപ്പിച്ചു. രണ്ടു ദിവസത്തെ ഇടവേളക്ക് ശേഷമാണ് ഇന്ധനവില വീണ്ടും കൂട്ടിയത്. പെട്രോളിന് 26 പൈസയുടെയും ഡീസലിന് 35 പൈസയുടെയും വർധനവാണ് ഇന്ന് സംസ്ഥാനത്ത് ഉണ്ടായിരിക്കുന്നത്.
തിരുവനന്തപുരത്ത് പെട്രോളിന് 93.51 രൂപയും കൊച്ചിയിൽ 91.73 രൂപയുമാണ് വില. ഡീസലിനാകട്ടെ തിരുവനന്തപുരത്ത് 88.25 രൂപയും കൊച്ചിയിൽ 86.48 രൂപയുമാണ് ഇന്നത്തെ വില.
രാജ്യത്തെ അഞ്ചു സംസ്ഥാനങ്ങളിൽ നിയമസഭാ തിരഞ്ഞെടുപ്പ് നടക്കുന്ന ഘട്ടത്തിൽ ഇന്ധന വിലയിൽ ദിനംപ്രതിയുള്ള വർധനവിന് ശമനം ഉണ്ടായിരുന്നു. എന്നാൽ തിരഞ്ഞെടുപ്പിന് പിന്നാലെ സ്ഥിതി വീണ്ടും പഴയപടി ആവുകയാണ്. രാജ്യത്തെ ഇന്ധന വില അടിക്കടിയാണ് ഉയർത്തുന്നത്.
Read Also: ലോക്ക്ഡൗൺ മൂന്നാം ദിവസത്തിലേക്ക്; പരിശോധന കർശനമാക്കാൻ പോലീസ്