ഡെൽഹി: പ്രധാനമന്ത്രി നരേന്ദ്ര മോദിയുടെ അധ്യക്ഷതയിലുള്ള സമ്പൂര്ണ മന്ത്രിസഭാ യോഗം ചേരുന്നു. സഹമന്ത്രിമാരടക്കം 60 മന്ത്രിമാര് പങ്കെടുക്കുന്ന കൗണ്സില് ഓഫ് മിനിസ്റ്റേഴ്സ് ആണ് ചേരുന്നത്.
രണ്ടാം മോദി സര്ക്കാരിന്റെ ഇതുവരെയുള്ള പ്രവര്ത്തനങ്ങളും വിലയിരുത്തലുകളും പ്രധാനമന്ത്രി ഇന്ന് യോഗത്തില് വിലയിരുത്തും. ഇതിന് ശേഷം മന്ത്രിസഭാ പുനസംഘടനയുമായി ബന്ധപ്പെട്ട വിഷയങ്ങള് ചര്ച്ച ചെയ്യും. നിയമസഭാ തിരഞ്ഞെടുപ്പ് നടക്കാനുള്ള സംസ്ഥാനങ്ങളിലേക്ക് പ്രധാനപ്പെട്ട ചുമതലകളിലുള്ള മന്ത്രിമാരെ നിയോഗിക്കുമെന്നാണ് സൂചന.
മന്ത്രിസഭയില് നിന്ന് പുറത്തുപോകുന്ന മന്ത്രിമാരെക്കുറിച്ചും വിവിധ വകുപ്പുകളുടെ പ്രവര്ത്തനങ്ങളെക്കുറിച്ചും പ്രധാനമന്ത്രി വിലയിരുത്തും. ഒപ്പം കശ്മീര് വിഷയത്തിലുള്ള തന്റെ നിലപാടും പ്രധാനമന്ത്രി യോഗത്തില് പങ്കുവെയ്ക്കും.
Kerala News: സംസ്ഥാന പോലീസ് മേധാവിയായി അനിൽ കാന്ത് ചുമതലയേറ്റു