തൃശൂർ: പഴയന്നൂർ പോക്‌സോ കേസ് പ്രതിയെ വെട്ടികൊലപ്പെടുത്തിയ നിലയിൽ കണ്ടെത്തി. കുട്ടൻ എന്ന് വിളിപ്പേരുള്ള സതീഷ് (37) ആണ് കൊല്ലപ്പെട്ടത്. ചേലക്കാർ ഭാഗത്തുള്ള എളനാട് തിരുമണി കോളനിയിലാണ് യുവാവിനെ കൊല്ലപ്പെട്ട നിലയിൽ കണ്ടെത്തിയത്.
Malabar News: മെഡിക്കൽ കോളേജ് പരിസരത്ത് മോഷണം പെരുകുന്നു
ബുധനാഴ്‌ച രാവിലെയാണ് ആളൊഴിഞ്ഞ പറമ്പിൽ സതീഷിന്റെ മൃതദേഹം കാണപ്പെട്ടത്. കോളനിവാസികൾ ഉടൻ തന്നെ പോലീസിൽ വിവരം അറിയിച്ചു. ആദിവാസി യുവതിയെ പീഡിപ്പിച്ചതടക്കം നിരവധി കേസിലെ പ്രതിയാണ് സതീഷ്. ഏഴ് കേസുകളാണ് ഇയാളുടെ പേരിൽ നിലവിലുള്ളത്. കോവിഡ് വ്യാപനം കണക്കിലെടുത്ത് ജയിൽ പുള്ളികൾക്ക് പരോൾ അനുവദിച്ചതിനെ തുടർന്ന് രണ്ട് മാസമായി ഇയാൾ നാട്ടിൽ ഉണ്ടായിരുന്നു. എളമനാട് തിരുമണി സ്വദേശിയാണ്. സംഭവത്തിൽ പഴയന്നൂർ പോലീസ് അന്വേഷണം ആരംഭിച്ചു.
