കൊച്ചി: പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച കേസിൽ യൂത്ത് കോണ്‍ഗ്രസ് നേതാവ് അറസ്‌റ്റില്‍. യൂത്ത് കോണ്‍ഗ്രസ് വൈപ്പിന്‍ മണ്ഡലം ജനറല്‍ സെക്രട്ടറിയും പുതുവൈപ്പ് സ്വദേശിയുമായ ജ്യോതിഷ് ആണ് പോക്‌സോ കേസിൽ പിടിയിലായത്.
ഇയാള്‍ പ്രായപൂര്‍ത്തിയാകാത്ത പെണ്‍കുട്ടിയെ വിവാഹ വിവാഹ വാഗ്‌ദാനം നല്‍കി പീഡിപ്പിക്കുകയായിരുന്നു എന്ന് പോലീസ് അറിയിച്ചു. പ്രതിക്കെതിരെ വധശിക്ഷ വരെ ലഭിക്കാവുന്ന പോക്‌സോ വകുപ്പുകള്‍ പ്രകാരം കേസെടുത്തതായി ഞാറയ്‌ക്കല്‍ സിഐ പറഞ്ഞു.
വെളളിയാഴ്‌ച വൈകിട്ടോടെയാണ് ജ്യോതിഷിന്റെ അറസ്‌റ്റ് രേഖപ്പെടുത്തിയത്. സംഭവശേഷം ഒളിവില്‍ പോകാന്‍ ശ്രമിച്ചെങ്കിലും പോലീസ് സമർഥമായി പിടികൂടുകയായിരുന്നു. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്‌തു.
Most Read: ഗവർണറുടെ കത്ത് ഗൗരവമുള്ളത്, മന്ത്രി രാജിവയ്‌ക്കണം; രമേശ്‌ ചെന്നിത്തല
