'ജലമാണ് ജീവൻ' ക്യാംപയിൻ ഉൽഘാടന ചടങ്ങിൽ കെ സഹദേവൻ സംസാരിക്കുന്നു
പെരിന്തൽമണ്ണ: ഏറ്റവും കൂടുതൽ ജലം ഉപയോഗിക്കുന്നതും ദുരുപയോഗം ചെയ്യുന്നതും മനുഷ്യരാണെന്നും ജലസ്രോതസുകൾ മലിനമാവുന്നത് അത്യന്തം അപകടകരവും അതീവഗുരുതര ജലദാരിദ്ര്യത്തിന് അത് കാരണവുമാണെന്നും പ്രമുഖ പരിസ്‌ഥിതി-മനുഷ്യാവകാശ പ്രവർത്തകൻ കെ സഹദേവൻ ഓർമപ്പെടുത്തി.
‘ജലമാണ് ജീവൻ’ എന്ന മുദ്രാവാഖ്യം അടിസ്‌ഥാനമാക്കി എസ്വൈഎസ് നടപ്പിലാക്കുന്ന ജലസംരക്ഷണ ക്യാംപയിനിന് മലപ്പുറം ഈസ്‌റ്റ് ജില്ലയിൽ തുടക്കം കുറിച്ച ചടങ്ങിൽ വിശിഷ്‌ടാഥിതിയായി സംസാരിക്കുകയായിരുന്നു സഹദേവൻ.
കുടിവെള്ളത്തിന് പോരടിക്കേണ്ട ഗതികേടിലേക്കാണ് നാം നീങ്ങുന്നത്. ഇത്തരുണത്തിൽ ജലാശയങ്ങൾ ശുചീകരിച്ച് മനുഷ്യർക്കും അല്ലാത്തവർക്കും ജലം കരുതിവെക്കൽ മനുഷ്യരാശിയുടെ കടമയാണെന്നും എസ്വൈഎസ് പോലുള്ള സംഘടനകൾ നിർവഹിക്കുന്ന ഇത്തരം പദ്ധതികളിൽ എല്ലാവരും സഹകരിക്കണമെന്നും കെ സഹദേവൻ സമൂഹത്തെ ഉൽബോധിപ്പിച്ചു.
അങ്ങാടിപ്പുറം ഒറോടം പാലത്തിന് സമീപം നടന്ന ഉൽഘാടന പരിപാടിയോട് അനുബന്ധിച്ച് നൂറോളം വരുന്ന എസ്വൈഎസ് സാന്ത്വനം വളണ്ടിയർമാരുടെ നേതൃത്വത്തിൽ ഓറോടം തോട് ശുചീകരിച്ചു. എസ്വൈഎസ് സംസ്‌ഥാന സെക്രട്ടറി എം അബൂബക്കർ മാസ്‌റ്റർ പടിക്കലാണ് പരിപാടിയുടെ ഉൽഘാടനം നിർവഹിച്ചത്.
ഓറോടം തോട് ശുചീകരിക്കുന്ന എസ്വൈഎസ് ‘സാന്ത്വനം’ വളണ്ടിയർമാർ
ജലം മാനവരാശിയുടെ ജീവനാണെന്നും അത് സംരക്ഷിക്കപ്പെടേണ്ട ബാധ്യത മനുഷ്യ സമൂഹത്തിനാണെന്നും ഉൽഘാടന പ്രസംഗത്തിൽ അബൂബക്കർ മാസ്‌റ്റർ പടിക്കൽ ഓർമപ്പെടുത്തി. ജില്ലാ പ്രസിഡണ്ട് സികെ ഹസൈനാർ സഖാഫി കുട്ടശ്ശേരി പരിപാടിയിൽ അധ്യക്ഷത വഹിച്ചു. സയ്യിദ് ഹബീബ് കോയ തങ്ങൾ ചെരക്കാപറമ്പ് പ്രാർഥനക്ക് നേതൃത്വം നൽകി. ജില്ലാ സെക്രട്ടറി സികെ ശക്കീർ അരിമ്പ്ര സന്ദേശ പ്രഭാഷണം നിർവഹിച്ചു.
എസ്വൈഎസ് സാന്ത്വനം പ്രവർത്തകർ പരിസ്‌ഥിതി-മനുഷ്യാവകാശ പ്രവർത്തകൻ കെ സഹദേവനൊപ്പം
ക്യാംപയിനിന്റെ ഭാഗമായി ജില്ലയിലെ 11 പ്രധാന ജലാശയങ്ങൾ ബഹുജന പങ്കാളിത്തത്തോടെ ശുചീകരിക്കുന്നുണ്ട്. കൂടാതെ, ‘പറവകള്‍ക്കൊരു തണ്ണീര്‍കുടം’ എന്ന ശീര്‍ഷകത്തില്‍ പ്രവര്‍ത്തകരുടെ വീടുകളില്‍ 25000 തണ്ണീര്‍കുടങ്ങള്‍ സ്‌ഥാപിക്കുക, പള്ളികൾ, മദ്രസകൾ തുടങ്ങിയ പൊതുസ്‌ഥലങ്ങളിൽ ബോധവൽക്കരണം, തണ്ണീർ പന്തൽ നിർമാണം, സർക്കിൾ തലങ്ങളിൽ കുടിവെള്ള വിതരണം തുടങ്ങിയ പദ്ധതികളും ‘ജലമാണ് ജീവൻ’ ക്യാംപയിനിന്റെ ഭാഗമായി എസ്വൈഎസ് നടപ്പിലാക്കുന്നുണ്ട്.
അങ്ങാടിപ്പുറം ഗ്രാമ പഞ്ചായത്ത് വൈസ് പ്രസിഡണ്ട് കറുമുക്കിൽ ഷബീർ, എസ്വൈഎസ് ജില്ലാ ജനറൽ സെക്രട്ടറി വിപിഎം ഇസ്ഹാഖ്, അബ്‌ദുറഹീം കരുവള്ളി, മുഈനുദ്ദീൻ സഖാഫി വെട്ടത്തൂർ, സയ്യിദ് മുർതള ശിഹാബ് സഖാഫി, സിദ്ദീഖ് സഖാഫി വഴിക്കടവ്, ടി യൂസുഫ് സഅദി പൂങ്ങോട്, പിപി മുജീബ് റഹ്‌മാൻ, വടക്കേമണ്ണ, പികെ മുഹമ്മദ് ഷാഫി, ഖാസിം മന്നാനി, മാനു സഖാഫി പുത്തനങ്ങാടി, അബൂബക്കർ മുസ്‌ലിയാർ തുടങ്ങിയവർ ചടങ്ങിൽ സംസാരിച്ചു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
