കാസർഗോഡ്: മത ന്യൂനപക്ഷങ്ങളുടെ പൂർണ പിന്തുണ ബിജെപിക്കെന്ന അവകാശ വാദവുമായി ബിജെപി സംസ്‌ഥാന അധ്യക്ഷനും കോന്നിയിലെ സ്‌ഥാനാർഥിയുമായ കെ സുരേന്ദ്രൻ. സഭാ തർക്കത്തിൽ പെട്ടെന്ന് പരിഹാരം കാണാൻ കഴിയില്ലെന്ന് പറഞ്ഞ സുരേന്ദ്രൻ പരിഹാരത്തിന് കുറുക്കുവഴികളില്ലെന്നും ചൂണ്ടിക്കാട്ടി.
കൂടുതൽ അടുപ്പവും സഹകരണവും ഓർത്തഡോക്‌സ് സഭയോടാണെന്നും സുരേന്ദ്രൻ പറഞ്ഞു. കൂടാതെ ശബരിമല വിഷയത്തിൽ എൻഎസ്എസ് ശക്‌തമായ നിലപാട് എടുത്തുവെന്നും ബിജെപി അധ്യക്ഷൻ പറഞ്ഞു.
‘ശബരിമലയെ സംരക്ഷിക്കാൻ ശ്രമിച്ചതാരാണെന്ന് എൻഎസ്എസിന് അറിയാം. കോന്നിയിൽ ജയിച്ചാൽ കോന്നി സുരേന്ദ്രൻ എന്ന ആനയെ തിരികെ എത്തിക്കും’; സുരേന്ദ്രൻ പറഞ്ഞു.
Read Also: തലശ്ശേരിയിൽ വോട്ടുകച്ചവട വിവാദം കത്തുന്നു; പരസ്‌പരം പഴിചാരി മുന്നണികൾ
