ലണ്ടൻ: പ്രീമിയർ ലീഗ് സീസണിന്റെ അവസാന ദിവസം പോയിന്റ് ടേബിൾ മാറിമറിഞ്ഞു. ചാമ്പ്യൻസ് ലീഗ് യോഗ്യത തേടി ഇറങ്ങിയ ചെൽസി, ലിവർപൂൾ, ലെസ്‌റ്റർ ടീമുകളായിരുന്നു ഇന്നലെ ശ്രദ്ധാ കേന്ദ്രമായത്. സീസണിൽ ഉടനീളം മൂന്നാം സ്‌ഥാനം നിലനിർത്തിയിരുന്ന ലെസ്‌റ്റർ സിറ്റിക്ക് പക്ഷേ അവസാനത്തോട് അടുത്തപ്പോൾ കാര്യങ്ങൾ കൈവിട്ടുപോയി. ഇന്നലെ ടോട്ടനത്തോട് തോറ്റതോടെ ലെസ്‌റ്റർ പോയിന്റ് പട്ടികയിൽ അഞ്ചാമതായി.
അതേസമയം ജയത്തോടെ ലിവർപൂൾ മൂന്നാം സ്‌ഥാനവും ചാമ്പ്യൻസ് ലീഗ് ബർത്തും ഉറപ്പിച്ചു, ആസ്‌റ്റൺ വില്ലയോട് അപ്രതീക്ഷിത തോൽവി വഴങ്ങിയെങ്കിലും നാലാം സ്‌ഥാനത്തോടെ ചെൽസി ചാമ്പ്യൻസ് ലീഗ് യോഗ്യത നേടി. മറ്റ് കളികളിൽ മാഞ്ചസ്‌റ്റർ യുണൈറ്റഡ് വോൾവ്‌സിനേയും, ലീഗ് ജേതാക്കളായ സിറ്റി എതിരില്ലാത്ത അഞ്ച് ഗോളുകൾക്ക് എവർട്ടണെയും പരാജയപ്പെടുത്തി.
Read Also: ഏഷ്യാ കപ്പ് 2023ലേക്ക് മാറ്റിവെച്ചു; കോവിഡ് കാരണമെന്ന് എസിസി
