തിരുവനന്തപുരം: സെക്രട്ടറിയേറ്റിന് മുന്നിൽ പിഎസ്‌സി ഉദ്യോഗാർഥികളും പോലീസും തമ്മിൽ വൻ സംഘർഷം. റാങ്ക് പട്ടിക നിലനിൽക്കെ മറ്റൊരു വിജ്‌ഞാപനം ഇറക്കിയതിനെതിരെ പിഎസ്‌സി ഉദ്യോഗാർഥികൾ നടത്തിയ പ്രതിഷേധമാണ് സംഘർഷത്തിലേക്ക് എത്തിയത്. ഉദ്യോഗാർഥികൾ റോഡ് ഉപരോധിച്ച് പ്രതിഷേധിച്ചിരുന്നു.
ഇതേതുടർന്ന് പോലീസുമായി തർക്കമുണ്ടാവുകയും വൻ സംഘർഷാവസ്‌ഥ രൂപപ്പെടുകയും ചെയ്‌തു. സിപിഒ റാങ്ക് പട്ടികയിലെ ഉദ്യോഗാർഥികളാണ് പ്രതിഷേധിക്കുന്നത്. ഇതിനിടെ പെട്രോളൊഴിച്ച് തീ കൊളുത്താനും റോഡിൽ കിടന്ന് പ്രതിഷേധിക്കാനും ശ്രമമുണ്ടായി. നിരവധി ഉദ്യോഗാർഥികളാണ് റോഡ് ഉപരോധിക്കാനെത്തിയത്. ഇതേത്തുടർന്ന് തിരുവനന്തപുരം നഗരത്തിൽ സെക്രട്ടറിയേറ്റിന് മുന്നിൽ ഗതാഗതം സ്‌തംഭിച്ചു. പ്രതിഷേധക്കാരെ പോലീസ് അറസ്‌റ്റ് ചെയ്‌ത്‌ നീക്കുകയാണ്.
Most Read| തലച്ചോറിൽ വയർലെസ് ചിപ്പ്; മാറിമറയുമോ മനുഷ്യന്റെ ഭാവി!
