ചെന്നൈ: പുതുച്ചേരിയിൽ കോൺഗ്രസ്-ഡിഎംകെ സഖ്യത്തിനെ പിന്നിലാക്കി എൻഡിഎ കുതിപ്പ്. ഒടുവിൽ പുറത്തുവരുന്ന ഫലസൂചനകൾ അനുസരിച്ച് എൻആർ കോൺഗ്രസ്-ബിജെപി സഖ്യം പുതുച്ചേരിയിൽ ലീഡ് തുടരുകയാണ്. എൻആർ കോൺഗ്രസ് 5 സീറ്റിൽ വിജയിച്ചു. രണ്ടിടത്ത് ലീഡ് ചെയ്യുന്നു. സഖ്യകക്ഷിയായ ബിജെപി 3 സീറ്റുകളിൽ വിജയിച്ചു. എൻഡിഎ സഖ്യം ആകെ 8 സീറ്റുകളിൽ വിജയിക്കുകയും രണ്ടിടത്ത് വ്യക്‌തമായ ഭൂരിപക്ഷം നിലനിർത്തുകയും ചെയ്യുന്നു.
കോൺഗ്രസ്-ഡിഎംകെ സഖ്യത്തിന് പ്രതീക്ഷിച്ച വിജയം നേടാൻ കഴിഞ്ഞില്ല. ഡിഎംകെ ഒരു സീറ്റിൽ വിജയിച്ചു. രണ്ടിടത്ത് മുന്നിലാണ്. കോൺഗ്രസ് രണ്ടിടത്ത് ലീഡ് ചെയ്യുന്നു. രണ്ടിടത്ത് സ്വതന്ത്ര്യരും മുന്നേറ്റം തുടരുന്നു. പുതുച്ചേരിയിൽ ഇത്തവണ എൻആർ കോൺഗ്രസ്-ബിജെപി സർക്കാർ നേട്ടം കൊയ്യുമെന്നാണ് സൂചന. എൻ നമശിവായ അടക്കമുള്ള പ്രമുഖർ പാർട്ടി വിട്ടതിന്റെ ക്ഷീണത്തിലാണ് കോൺഗ്രസ് തിരഞ്ഞെടുപ്പിനെ നേരിട്ടത്.
15 സീറ്റുകളിലാണ് കോൺഗ്രസ് മൽസരിച്ചത്. എൻ രംഗസ്വാമിയുടെ എൻആർ കോൺഗ്രസിനും എഐഎഡിഎംകെക്കും ഒപ്പം സഖ്യമുണ്ടാക്കിയാണ് ബിജെപി മൽസരിച്ചത്. എൻആർ കോൺഗ്രസ് 16 സീറ്റുകളിലും ബിജെപി 9 സീറ്റുകളിലും എഐഎഡിഎംകെ 5 സീറ്റുകളിലുമാണ് മൽസരിച്ചത്.
Read also: മേഴ്‌സിക്കുട്ടിയമ്മ പരാജയപ്പെട്ടത് ഒറ്റപ്പെട്ട സംഭവം; പരിശോധിക്കുമെന്നും മുഖ്യമന്ത്രി
