കോട്ടയം: പുതുപ്പള്ളി ജനത നാളെ പോളിങ് ബൂത്തിലേക്ക്. 53 വർഷം പുതുപ്പള്ളിയെ പ്രതിനിധീകരിച്ച ഉമ്മൻ ചാണ്ടിക്ക് പകരക്കാരനായി ആരെന്നതിൽ നാളെ വിധിയെഴുതും. ഒരു മാസത്തോളം നീണ്ട പരസ്യപ്രചാരണത്തിന് ശേഷം സ്‌ഥാനാർഥികൾ ഇന്ന് നിശബ്‌ദ പ്രചാരണത്തിലേക്ക് കടക്കും. പരമാവധി വോട്ടർമാരെ നേരിൽ കാണുകയാണ് സ്‌ഥാനാർഥികളുടെ ലക്ഷ്യം.
തിരഞ്ഞെടുപ്പിനുള്ള പോളിങ് സാമഗ്രികൾ ഇന്ന് രാവിലെ വിതരണം ചെയ്യും. സ്ട്രോങ്ങ് റൂമായ കോട്ടയം ബസേലിയോസ് കോളേജിൽ നിന്നാണ് 182 ബൂത്തുകളിലേക്കുള്ള സാമഗ്രികൾ വിതരണം ചെയ്യുന്നത്. മുഴുവൻ ബൂത്തുകളിലും വിവി പാറ്റുകളും വെബ്‌കാസ്‌റ്റിങ്ങും സജ്‌ജമാക്കിയിട്ടുണ്ട്. 1,76,417 വോട്ടർമാർമാരാണ് മണ്ഡലത്തിലുള്ളത്. എട്ടിനാണ് വോട്ടെണ്ണൽ.
പുതുപ്പള്ളിക്കൊപ്പം ഉത്തരേന്ത്യയിലെ അഞ്ചു സംസ്‌ഥാനങ്ങളിലെ ആറ് നിയമസഭാ മണ്ഡലങ്ങളിലും നാളെ ഉപതിരഞ്ഞെടുപ്പ് നടക്കും. ത്രിപുര, പശ്‌ചിമ ബംഗാൾ, ഉത്തർപ്രദേശ്, ഉത്തരാഖണ്ഡ്, ജാർഖണ്ഡ് എന്നീ സംസ്‌ഥാനങ്ങളിലാണ് ഉപതിരഞ്ഞെടുപ്പ്. വെള്ളിയാഴ്‌ചയാണ് ഇവിടങ്ങളിലെയും വോട്ടെണ്ണൽ.
Most Read| സംസ്‌ഥാനത്ത്‌ ഇന്നും ശക്‌തമായ മഴ; രണ്ടു ജില്ലകളിൽ യെല്ലോ അലർട്- കോന്നിയിൽ അവധി
