കോഴിക്കോട്: കോണ്ഗ്രസ് നേതാവും വയനാട് എംപിയുമായ രാഹുല് ഗാന്ധി രണ്ടുദിവസത്തെ സന്ദർശനത്തിന് കേരളത്തിലെത്തി. ഇന്ന് മലപ്പുറം ജില്ലയിലെ വിവിധ പരിപാടികളില് പങ്കെടുക്കുന്ന രാഹുല് രാത്രിയോടെ വയനാട്ടിലെത്തും. പതിനൊന്നരയോടെ കരിപ്പൂര് വിമാനത്താവളത്തിൽ എത്തിയ രാഹുൽ യുഡിഎഫ് നേതാക്കളുമായി കൂടിക്കാഴ്ച നടത്തി.
തദ്ദേശ തിരഞ്ഞെടുപ്പ് സംബന്ധിച്ച സീറ്റ് വിഭജനം രാഹുൽ ഗാന്ധിയുമായി ചര്ച്ച ചെയ്തില്ലെന്നും തിരഞ്ഞെടുപ്പ് പ്രവർത്തനങ്ങളുമായി ബന്ധപ്പെട്ട കാര്യങ്ങളാണ് സംസാരിച്ചതെന്നും കെപിസിസി അധ്യക്ഷന് മുല്ലപ്പള്ളി രാമചന്ദ്രന് പറഞ്ഞു. അതേസമയം, രാഹുല് ഗാന്ധിയുമായി സൗഹൃദ ചര്ച്ചയാണ് നടത്തിയതെന്നും തിരഞ്ഞെടുപ്പുമായി ബന്ധപ്പെട്ട ഒന്നും ചർച്ചയായില്ലെന്നും പികെ കുഞ്ഞാലിക്കുട്ടി വ്യക്തമാക്കി.
Read also: ഓൺലൈൻ റമ്മി; ബ്രാൻഡ് അംബാസിഡർമാർക്ക് കേരള ഹൈക്കോടതിയുടെ നോട്ടീസ്