കുവൈറ്റ്: കോവിഡ് മാനദണ്ഡങ്ങള്‍ പാലിക്കുന്നുണ്ടെന്ന് ഉറപ്പാക്കാന്‍ കുവൈറ്റില്‍ മാളുകളിലും കടകളിലും കഫേകളിലും അധികൃതര്‍ റെയ്ഡ് നടത്തി. കോവിഡ് -19 വൈറസിന്റെ വ്യാപനം തടയുന്നതിനായി ആരോഗ്യ മുന്‍കരുതലുകളും പ്രതിരോധ നടപടികളും പാലിക്കുന്നുണ്ടെന്ന് ഉറപ്പുവരുത്താനാണ് മുനിസിപ്പാലിറ്റിയില്‍ നിന്നുള്ള ഇന്‍സ്‌പെക്ടര്‍മാര്‍ റെയ്ഡ് നടത്തിയത്.
ക്യാപിറ്റല്‍ ഗവര്‍ണറേറ്റിലെ നിരവധി വാണിജ്യ സമുച്ചയങ്ങള്‍, പലചരക്ക് കടകള്‍, കഫേകള്‍, റെസ്റ്റോറന്റുകള്‍ എന്നിങ്ങനെ 6450 കടകളിലാണ് ഇന്‍സ്‌പെക്ടര്‍മാര്‍ റെയ്ഡ് നടത്തിയത്. തുടര്‍ന്ന് പരിശോധനയില്‍ നിയമം ലംഘിച്ചതായി കണ്ടെത്തിയ 62 കടകള്‍ അധികൃതര്‍ അടപ്പിച്ചു
മാസ്‌കുകള്‍ ധരിക്കുക, കൈയ്യുറകള്‍ ധരിക്കുക, ശാരീരിക അകലം പാലിക്കുക എന്നിവ ഉള്‍പ്പെടെയുള്ള സുരക്ഷാ നടപടികള്‍ ഇന്‍സ്‌പെക്ടര്‍മാര്‍ നിരീക്ഷിക്കുന്നുണ്ടെന്ന് ക്യാപിറ്റല്‍ മുനിസിപ്പാലിറ്റി ഡയറക്ടര്‍ ബദര്‍ അല്‍-ഒതൈബി വ്യക്തമാക്കി. കോവിഡ് മാനദണ്ഡങ്ങള്‍ പാലിക്കാത്തവര്‍ക്കെതിരെ നടപടി കര്‍ശനമാക്കാനാണ് മുനിസിപ്പാലിറ്റി തീരുമാനം.
Read Also: ഷിബിന്‍ രാജ് ഇനി ചര്‍ച്ചില്‍ ബ്രദേഴ്‌സിന്റെ വല കാക്കും
