കോഴിക്കോട്: രാമനാട്ടുകര സ്വർണക്കടത്ത് കേസിൽ കൊടുവള്ളി വാവാട് സ്വദേശി ടികെ സൂഫിയാൻ പോലീസ് കസ്റ്റഡിയിൽ. കൊണ്ടോട്ടി പോലീസ് സ്റ്റേഷനിലെത്തി ഇയാൾ കീഴടങ്ങിയെന്നാണ് വിവരം. അപകടം നടന്ന ദിവസം അർജുൻ ആയങ്കിയുടെ വാഹനത്തെ പിന്തുടർന്ന കൊടുവള്ളി സംഘത്തെ ഏകോപിപ്പിച്ചത് സൂഫിയാൻ ആയിരുന്നു.
അപകടത്തിൽപെട്ട വാഹനത്തിന് തൊട്ടുപിന്നിൽ ഉണ്ടായിരുന്ന കറുത്ത വാഹനത്തിൽ ഉണ്ടായിരുന്നത് സൂഫിയാൻ ആണെന്നാണ് പ്രതികളുടെ മൊഴി. ഈ വാഹനവും പോലീസ് കസ്റ്റഡിയിൽ എടുത്തിട്ടുണ്ട്. സൂഫിയാന്റെ സഹോദരൻ ഫിജാസിനെ കഴിഞ്ഞ ദിവസം പോലീസ് അറസ്റ്റ് ചെയ്തിരുന്നു.
ഒട്ടേറെ സ്വർണക്കടത്ത് കേസുകളിൽ പ്രതിയായ സൂഫിയാനെ നേരത്തെ കോഫെപോസ ചുമത്തി ജയിലിൽ അടച്ചിരുന്നു. പിന്നീട് ഹൈക്കോടതി കോഫെപോസ റദ്ദാക്കിയതോടെ ഇയാൾ പുറത്തിറങ്ങുകയായിരുന്നു.
Read also: കോഴക്കേസ്; കെ സുന്ദരയുടെ രഹസ്യമൊഴി രേഖപ്പെടുത്തി