ന്യൂഡെല്ഹി: രാജ്യത്ത് ഇന്ധന വില കുതിച്ചുയരുന്നതിൽ പുതിയ ന്യായീകരണവുമായി കേന്ദ്ര പെട്രോളിയം വകുപ്പ് സഹമന്ത്രി. ജനങ്ങൾക്ക് സൗജന്യ വാക്സിൻ നല്കുന്നതിന് വേണ്ടിയാണ് പെട്രോള് വില വര്ധിപ്പിക്കുന്നത് എന്നാണ് മന്ത്രി രാമേശ്വർ തെളിയുടെ വിശദീകരണം.
“ഇന്ധനവിലയിൽ വര്ധനവ് ഉണ്ടായിട്ടില്ല, നികുതിയാണ് വര്ധിച്ചത്. നിങ്ങള്ക്ക് സൗജന്യ വാക്സിന് എടുക്കണ്ടേ. ഇതിനുള്ള പണം എവിടെ നിന്നും ലഭിക്കും. നിങ്ങള് പണം അടക്കുന്നില്ലല്ലോ. ഇങ്ങനൊക്കെയാണ് പണം വരുന്നത്”- മന്ത്രി പറഞ്ഞു.
ഓരോ വ്യക്തിക്കും വാക്സിനേറ്റ് ചെയ്യാന് 1,200 രൂപയാകും. 35,000 കോടി രൂപയാണ് ഇതിനായി വകയിരുത്തിയത് എന്നും മന്ത്രി കൂട്ടിച്ചേർത്തു.
Read also: സവർക്കർ മാപ്പപേക്ഷിച്ചത് ഗാന്ധിജിയുടെ നിർദ്ദേശപ്രകാരം; രാജ്നാഥ് സിങ്