കോഴിക്കോട് : കാലിക്കറ്റ് സർവകലാശാലയിലേക്ക് 36 അസിസ്‌റ്റൻഡ് പ്രൊഫസർ തസ്‌തികകളിൽ നിയമനത്തിനായുള്ള റാങ്ക് ലിസ്‌റ്റിന് സിൻഡിക്കേറ്റ് അനുമതി നൽകി. 36 അസിസ്‌റ്റൻഡ് പ്രൊഫസർ തസ്‌തിക ഉൾപ്പടെ 43 തസ്‌തികകളിലെ നിയമന റാങ്ക് ലിസ്‌റ്റാണ് സിൻഡിക്കേറ്റ് പരിഗണിച്ചതെങ്കിലും 7 തസ്‌തികകളിലെ നിയമന നടപടികൾ മാറ്റി വച്ചു. അർഹരായ സംവരണ വിഭാഗക്കാർ ഇല്ലാത്ത സാഹചര്യത്തിലാണ് ഈ തസ്‌തികകളിലെ നിയമന നടപടികൾ നീട്ടി വെക്കാൻ തീരുമാനിച്ചത്.
നിയമന നടപടികൾ നീട്ടി വെച്ച തസ്‌തികകളിലേക്ക് പിന്നീട് പുനർവിജ്‌ഞാപനം നടത്തി ഉദ്യോഗാർഥികളെ നിയമിക്കുമെന്ന് അധികൃതർ വ്യക്‌തമാക്കി. കഴിഞ്ഞ 10 വർഷത്തിനിടെ വിവിധ പഠന വകുപ്പുകളിൽ ഒഴിവുള്ള 116 അധ്യാപക തസ്‌തികകളിലാണ് നിയമനത്തിന് വിജ്‌ഞാപനം പുറത്തിറക്കിയത്. ഇതനുസരിച്ച് അഭിമുഖം പൂർത്തിയായ 16 പഠന വകുപ്പുകളിലെ നിയമന പട്ടികയാണ് സിൻഡിക്കേറ്റ് അംഗീകരിച്ചത്.
Read also : ഹൗസ് ബോട്ടുകളിൽ പോലീസിന്റെ പ്രോട്ടോക്കോൾ പരിശോധന; പരമാവധി 10 പേർ
