ടോക്യോ: ഒളിമ്പിക്സ് വേദിയിൽ ഇന്ത്യക്ക് വീണ്ടും വെള്ളിത്തിളക്കം. പുരുഷന്മാരുടെ 57 കിലോഗ്രാം ഫ്രീസ്റ്റൈല് വിഭാഗത്തില് ഇന്ത്യന് താരം രവി കുമാര് ദഹിയ വെള്ളി സ്വന്തമാക്കി. ഫൈനലിൽ റഷ്യന് ഒളിമ്പിക് കമ്മിറ്റി താരം സോര് ഉഗ്യുവിനോടാണ് രവി കുമാർ ഏറ്റുമുട്ടിയത്.
ടെക്നിക്കല് പോയിന്റില് മുന്നിട്ടുനിന്ന സോര് ഉഗ്യു 7-4ന് ആണ് വിജയിച്ചത്. ഇതോടെ ഗോദയിൽ രവി കുമാറിന് വെള്ളിയുമായി മടങ്ങേണ്ടി വന്നു. ഇത്തവണത്തെ ടോക്യോ ഒളിമ്പിക്സിൽ വെള്ളി മെഡൽ സ്വന്തമാക്കിയ രണ്ടാം താരമാണ് രവി കുമാർ. അതേസമയം തന്നെ ടോക്യോ ഗുസ്തിയിൽ ഇന്ത്യ നേടുന്ന ആദ്യ മെഡലെന്ന പ്രത്യേകതയും ഇതിനുണ്ട്.
ഇതോടെ ടോക്യോ ഒളിമ്പിക്സിൽ ഇന്ത്യയുടെ മെഡൽ നേട്ടം 5 ആയി ഉയർന്നു. 2 വെള്ളിയും 3 വെങ്കലവുമാണ് ഇന്ത്യൻ താരങ്ങൾ ഇതുവരെ ഒളിമ്പിക്സ് വേദിയിൽ സ്വന്തമാക്കിയത്.
Read also : അതിർത്തി പ്രദേശങ്ങളിൽ ചാരായ വിൽപന വ്യാപകം; നടപടി എടുക്കാതെ അധികൃതർ