തിരുവനന്തപുരം: സംസ്‌ഥാനത്തെ സർക്കാർ ഓഫിസുകൾക്ക് ഇനിമുതൽ ശനിയാഴ്‌ചയും പ്രവൃത്തി ദിവസമായിരിക്കും. ഇത് സംബന്ധിച്ച ഉത്തരവ് സർക്കാർ പുറത്തിറക്കി. സംസ്‌ഥാനത്തെ നിലവിലെ കോവിഡ് സാഹചര്യങ്ങൾ വിലയിരുത്തുകയും, നിയന്ത്രണ നടപടികൾ സ്വീകരിക്കുകയും ചെയ്‌ത ശേഷമാണ് ശനിയാഴ്‌ച പ്രവൃത്തി ദിവസമാക്കാൻ തീരുമാനിച്ചതെന്ന് ചീഫ് സെക്രട്ടറിയുടെ ഉത്തരവിൽ വ്യക്‌തമാക്കുന്നുണ്ട്.
കോവിഡ് വ്യാപനം രൂക്ഷമായ സാഹചര്യത്തിൽ സംസ്‌ഥാനത്ത് കഴിഞ്ഞ മാസങ്ങളിലാണ് ശനിയാഴ്‌ച അവധി ദിവസം ആയിരിക്കുമെന്നും, സർക്കാർ ഓഫിസുകൾ തിങ്കൾ മുതൽ വെള്ളി വരെ പ്രവർത്തിച്ചാൽ മതിയെന്നും സർക്കാർ ഉത്തരവ് പുറത്തിറക്കിയത്. ഇതേ തുടർന്ന് സെക്രട്ടറിയേറ്റ് ഉൾപ്പടെ എല്ലാ സർക്കാർ സ്‌ഥാപനങ്ങളും ശനി, ഞായർ ദിവസങ്ങളിൽ അവധി ആയിരുന്നു.
നിലവിൽ സർക്കാർ ഉത്തരവ് പുറത്തിറക്കിയതോടെ സംസ്‌ഥാനത്ത് ഇനി മുതൽ ശനിയാഴ്‌ചയും പ്രവൃത്തി ദിവസമായിരിക്കും. അതിനാൽ ഇതിനനുസരിച്ച് സംസ്‌ഥാനത്തെ എല്ലാ സർക്കാർ ഓഫിസുകളും തുടർ നടപടികൾ സ്വീകരിക്കണമെന്നും ഉത്തരവിൽ വ്യക്‌തമാക്കുന്നുണ്ട്.
Read also: ത്രിപുരയിൽ ഇടതുപക്ഷം ആക്രമിക്കപ്പെടുന്നു; നടപടി ആവശ്യപ്പെട്ട് യെച്ചൂരി
