ജിദ്ദ: സൗദി അറേബ്യയില്‍ ദൈനംദിന കോവിഡ് രോഗികളുടെ എണ്ണത്തില്‍ വീണ്ടും വര്‍ധന. 404 പുതിയ കേസുകളാണ് രാജ്യത്ത് തിങ്കളാഴ്‌ച റിപ്പോര്‍ട് ചെയ്‌തത്. 4,012 പേരാണ് നിലവില്‍ രാജ്യത്തെ വിവിധ ആശുപത്രികളിലും മറ്റുമായി ചികില്‍സയില്‍ കഴിയുന്നത്. ഇവരില്‍ 595 പേരുടെ നില ഗുരുതരമാണ്.
രാജ്യത്ത് 387 പേര്‍ രോഗമുക്‌തി നേടിയിട്ടുണ്ട്. നാല് മരണവും ഇന്ന് റിപ്പോര്‍ട് ചെയ്‌തു. ഇതുവരെ രാജ്യത്ത് രോഗം സ്‌ഥിരീകരിച്ചവരുടെ ആകെ എണ്ണം 3,85,424 ആണ്. 3,74,799 പേര്‍ ഇതുവരെ രോഗമുക്‌തി നേടി. രാജ്യത്തെ ആകെ മരണസംഖ്യ 6,613 ആണ്. രാജ്യത്തെ കോവിഡ് മുക്‌തി നിരക്ക് 97 ശതമാനവും മരണനിരക്ക് 1.8 ശതമാനവുമാണ്.
തലസ്‌ഥാന നഗരമായ റിയാദിലാണ് വൈറസ് വ്യാപനം കൂടുതല്‍. 24 മണിക്കൂറിനിടെ വിവിധ മേഖലകളില്‍ റിപ്പോര്‍ട് ചെയ്‌ത പുതിയ കോവിഡ് കേസുകള്‍ ഇപ്രകാരമാണ്: റിയാദ്- 184, കിഴക്കന്‍ പ്രവിശ്യ- 73, മക്ക- 66, അല്‍ ഖസീം- 14, ഹാഇല്‍- 12, മദീന- 12, വടക്കന്‍ അതിര്‍ത്തി മേഖല- 12, തബൂക്ക്- 8, അസീര്‍- 6, അല്‍ജൗഫ്- 6, ജീസാന്‍- 5, അല്‍ബാഹ- 4, നജ്‌റാന്‍- 2.
Read Also: ഡെല്‍ഹിയില്‍ മദ്യ ഉപഭോഗത്തിനുള്ള പ്രായപരിധി 25ല്‍ നിന്ന് 21 ആക്കി കുറച്ചു
