റിയാദ്: സൗദി അറേബ്യയിൽ ഇന്നും കോവിഡ് കേസുകളുടെ എണ്ണത്തിൽ വർധന. 1,330 പേർക്കാണ് പുതുതായി രോഗം ബാധിച്ചത്. രോഗമുക്തരുടെ എണ്ണവും ഉയർന്നു. രാജ്യത്ത് വിവിധ ഭാഗങ്ങളിലായി 13 മരണങ്ങൾ റിപ്പോർട് ചെയ്തു.
ചികിൽസയിൽ കഴിഞ്ഞവരിൽ 1055 പേരാണ് കഴിഞ്ഞ 24 മണിക്കൂറിനിടെ സുഖം പ്രാപിച്ചത്. രാജ്യത്ത് ഇതുവരെ 4,37,569 കോവിഡ് കേസുകളാണ് റിപ്പോർട് ചെയ്തത്. ഇതിൽ 4,21,726 കേസുകളിൽ രോഗമുക്തി ഉണ്ടായി. ആകെ മരണസംഖ്യ 7,214 ആയി.
രാജ്യത്ത് വിവിധ ആശുപത്രികളിലും മറ്റുമായി ചികിൽസയിൽ കഴിയുന്നവരുടെ എണ്ണം 8,629 ആയി ഉയർന്നു. ഇവരിൽ 1,365 പേരുടെ നില ഗുരുതരമാണ്. ബാക്കിയുള്ളവരുടെ ആരോഗ്യനില തൃപ്തികരമാണ്. രാജ്യത്തെ കോവിഡ് മുക്തി നിരക്ക് 96.5 ശതമാനവും മരണനിരക്ക് 1.7 ശതമാനവുമായി തുടരുന്നു. രാജ്യത്താകെ ഇതുവരെ 12,265,925 ഡോസ് കോവിഡ് വാക്സിൻ നൽകി.