റിയാദ്: സൗദി അറേബ്യയിൽ ഞായറാഴ്‌ച 261 പേർക്ക് കൂടി പുതുതായി കോവിഡ് സ്‌ഥിരീകരിച്ചു. 274 പേർ രോഗമുക്‌തി നേടി. മൂന്ന് മരണങ്ങളാണ് വിവിധ ഇടങ്ങളിലായി റിപ്പോർട് ചെയ്‍തത്. ഇതോടെ രാജ്യത്ത് റിപ്പോർട് ചെയ്‌ത കോവിഡ് കേസുകളുടെ ആകെ എണ്ണം 3,68,074ഉം രോഗമുക്‌തി നേടിയവരുടെ എണ്ണം 3,59,573ഉം ആയി. മരണസംഖ്യ 6,375 ആയി ഉയർന്നു.
2,126 സജീവ കോവിഡ് രോഗികളാണ് നിലവിൽ രാജ്യത്തുള്ളത്. ഇതിൽ 362 പേർ ഗുരുതരാവസ്‌ഥയിലാണ്. ഇവർ രാജ്യത്തെ വിവിധ ആശുപത്രികളിൽ തീവ്ര പരിചരണ വിഭാഗത്തിൽ ചികിൽസയിലാണ്. ബാക്കിയുള്ളവരുടെ ആരോഗ്യനില തൃപ്‌തികരമാണ്. രാജ്യത്തെ കോവിഡ് മുക്‌തി നിരക്ക് 97.7 ശതമാനവും മരണനിരക്ക് 1.7 ശതമാനവുമായി തുടരുകയാണ്.
റിയാദ് (93), കിഴക്കൻ പ്രവിശ്യ (53), മക്ക (49), മദീന (16), അസീർ (9), അൽഖസീം (8), വടക്കൻ അതിർത്തി മേഖല (8), അൽബാഹ (7), നജ്‌റാൻ (7), ഹാഇൽ (6), അൽജൗഫ് (2), തബൂക്ക് (2), ജീസാൻ (1) എന്നിങ്ങനെയാണ് കഴിഞ്ഞ ദിവസം സൗദി അറേബ്യയിൽ സ്‌ഥിരീകരിച്ച കോവിഡ് കേസുകളുടെ എണ്ണം.
Read also: കുട്ടികൾക്കുള്ള കോവിഡ് വാക്‌സിൻ ഒക്‌ടോബറോടെ; 2021 അവസാനം 4 വാക്‌സിനുകൾ
