റിയാദ്: കഴിഞ്ഞ 24 മണിക്കൂറിനിടെ സൗദി അറേബ്യയിൽ പുതുതായി കോവിഡ് സ്ഥിരീകരിച്ചത് 1,067 പേർക്ക്. രാജ്യത്ത് രോഗമുക്തി നേടിയവരുടെ എണ്ണം കുറയുകയാണ്. 24 മണിക്കൂറിനിടെ 895 പേർ മാത്രമാണ് രാജ്യത്ത് സുഖം പ്രാപിച്ചത്.
അതേസമയം രാജ്യത്ത് ചികിൽസയിലായിരുന്ന 12 പേർ കൂടി മരണപ്പെട്ടു. ഇതോടെ ആകെ മരണസംഖ്യ 7,249 ആയി.
രാജ്യത്ത് ഇതുവരെ 4,40,914 കോവിഡ് കേസുകളാണ് റിപ്പോർട് ചെയ്തത്. ഇതിൽ 4,24,690 പേർ രോഗമുക്തി നേടുകയും ചെയ്തിട്ടുണ്ട്. രാജ്യത്തെ കോവിഡ് മുക്തി നിരക്ക് 96.4 ശതമാനവും മരണനിരക്ക് 1.6 ശതമാനവുമായി തുടരുന്നു.
നിലവിൽ 8,975 സജീവ കേസുകളാണ് രാജ്യത്തുള്ളത്. ഇവരിൽ 1,344 പേരുടെ നില ഗുരുതരമാണ്. ബാക്കിയുള്ളവരുടെ ആരോഗ്യനില തൃപ്തികരമാണെന്ന് ആരോഗ്യ വകുപ്പ് അധികൃതർ പറയുന്നു.
വിവിധ പ്രവിശ്യകളിൽ പുതുതായി റിപ്പോർട് ചെയ്ത രോഗികളുടെ എണ്ണം: മക്ക- 322, റിയാദ്- 292, കിഴക്കൻ പ്രവിശ്യ- 138, മദീന- 105, ജീസാൻ- 54, അസീർ- 35, അൽഖസീം- 33, നജ്റാൻ- 26, തബൂക്ക്- 25, ഹായിൽ- 17, അൽബാഹ- 12, വടക്കൻ അതിർത്തി മേഖല- 5, അൽജൗഫ്- 3.
അതേസമയം രാജ്യത്ത് ഇതുവരെ 12,774,787 ഡോസ് വാക്സിനാണ് വിതരണം ചെയ്തത്.
Read Also: സര്ക്കാരിന്റെ നേതൃത്വത്തിലുള്ള ഒടിടി പ്ളാറ്റ്ഫോം പരിഗണനയിൽ; സാംസ്കാരിക മന്ത്രി