ഡെൽഹി: ഉത്തർപ്രദേശിലെ പഞ്ചായത്ത് തിരഞ്ഞെടുപ്പ് വോട്ടെണ്ണൽ മാറ്റിവെക്കണമെന്ന ആവശ്യം നിരസിച്ച് സുപ്രീം കോടതി. നാളെ തുടങ്ങുന്ന വോട്ടെണ്ണലുമായി സംസ്ഥാന തിരഞ്ഞെടുപ്പ് കമ്മീഷന് മുന്നോട്ടു പോകാമെന്ന് ജസ്റ്റിസ് എഎം ഖാൻവിൽക്കർ അധ്യക്ഷനായ ബെഞ്ച് വ്യക്തമാക്കി.
അതിതീവ്ര കോവിഡ് വ്യാപനത്തിന്റെ പശ്ചാത്തലത്തിൽ വോട്ടെണ്ണൽ മാറ്റിവെക്കണമെന്ന ഹരജിയിലാണ് കോടതി നടപടി. കോവിഡ് പ്രോട്ടോക്കോൾ കർശനമായി പാലിക്കണം. വീഴ്ചകളുണ്ടായാൽ ക്ളാസ് വൺ ഗസറ്റഡ് ഉദ്യോഗസ്ഥരായിരിക്കും ഉത്തരവാദികളെന്നും സുപ്രീം കോടതി ചൂണ്ടിക്കാട്ടി. യുപിയിൽ തിരഞ്ഞെടുപ്പ് ജോലിക്കിടെ 130ലേറെ ജീവനക്കാർ കോവിഡ് ബാധിച്ച് മരിച്ചിരുന്നു.
Malabar News: കോവിഡ് രൂക്ഷം; പ്രധാന വ്യൂ പോയിന്റുകൾ അടച്ച് നെല്ലിയാമ്പതി