ന്യൂഡെൽഹി: അഭിഭാഷകരായ വിജു എബ്രഹാം, മുഹമ്മദ് നിയാസ് സിപി, കെകെ പോൾ എന്നിവരെ കേരള ഹൈക്കോടതി ജഡ്‌ജിമാരാക്കണമെന്ന് കേന്ദ്ര സർക്കാരിനോട് വീണ്ടും ശുപാർശ ചെയ്യാൻ തീരുമാനം. കഴിഞ്ഞ ദിവസം ഡെൽഹിയിൽ ചേർന്ന കൊളീജിയം യോഗത്തിന്റേതാണ് തീരുമാനം
2019 മാർച്ചിൽ ചേർന്ന കൊളീജിയം മുഹമ്മദ് നിയാസ് കെകെ പോൾ എന്നിവരെ കേരളാ ഹൈക്കോടതി ജഡ്‌ജിമാരായി നിയമിക്കാൻ കേന്ദ്രത്തോട് ശുപാർശ ചെയ്‌തിരുന്നു. 2019 മെയ് മാസം ചേർന്ന കൊളീജിയമാണ് വിജു എബ്രഹാമിനെ ഹൈക്കോടതി ജഡ്‌ജിയായി ഉയർത്താൻ ശുപാർശ ചെയ്‌തിരുന്നത്‌. എന്നാൽ ശുപാർശകൾ പുനപരിശോധിക്കണം എന്നാവശ്യപ്പെട്ട് കേന്ദ്രം ഇവ മടക്കി അയച്ചു.
കേന്ദ്രം കൈമാറിയ വിശദമായ കുറിപ്പ് ഉൾപ്പടെ പരിശോധിച്ച ശേഷമാണ് ശുപാർശ വീണ്ടും സമർപ്പിക്കാൻ കൊളീജിയം തീരുമാനിച്ചത്.
Read also: സമൂഹ മാദ്ധ്യമങ്ങളെയും ഒടിടികളെയും നിയന്ത്രിക്കാൻ കടുത്ത നിയമനിർമാണം വേണം; സുപ്രീംകോടതി
