ഡെൽഹി: പൊതു പണിമുടക്കിൽ പങ്കെടുത്ത ജീവനക്കാര്ക്ക് അവധിയോടെ ശമ്പളം നൽകാനുള്ള തീരുമാനം റദ്ദാക്കിയ ഹൈക്കോടതി വിധിക്കെതിരെ സുപ്രീം കോടതി നോട്ടീസ് അയച്ചു. കേസിലെ എതിര് കക്ഷിക്കാണ് നോട്ടീസ് അയച്ചത്. ഹൈക്കോടതി വിധിക്കെതിരെ കേരളാ സര്ക്കാര് നൽകിയ ഹരജിയിലാണ് സുപ്രീം കോടതിയുടെ ഇടപെടൽ.
2019 ജനുവരി 8, 9 തീയതികളിൽ കേന്ദ്ര സര്ക്കാരിനെതിരെ നടന്ന സമരത്തിൽ പങ്കെടുത്ത ജീവനക്കാര്ക്കാണ് പൊതുഭരണ വകുപ്പ് അവധിയോടെ ശമ്പളം നൽകിയത്. ഇത് ചോദ്യം ചെയ്തുള്ള ഹരജിയിൽ സര്ക്കാര് തീരുമാനം ഹൈക്കോടതി റദ്ദാക്കുകയായിരുന്നു. നയപരമായ തീരുമാനത്തിൽ ഇടപെടരുതെന്നാണ് സര്ക്കാര് വാദം.
Also Read: മികച്ച പ്രതികരണം നേടി ‘വീട്ടിലേക്ക് വിളിക്കാം’ പദ്ധതി; കോവിഡ് രോഗികൾക്ക് ആശ്വാസം