പുതുച്ചേരി : കോവിഡിനെ തുടർന്ന് ഏർപ്പെടുത്തിയിരുന്ന ലോക്ക്ഡൗൺ നിയന്ത്രണങ്ങളിൽ കൂടുതൽ ഇളവുകൾ പ്രഖ്യാപിച്ച് പുതുച്ചേരി. ഇതിന്റെ ഭാഗമായി ഈ മാസം 16ആം തീയതി മുതൽ സ്കൂളുകളും കോളേജുകളും തുറന്ന് പ്രവർത്തിക്കാൻ അനുമതി നൽകിയിട്ടുണ്ട്. സ്കൂളുകളിൽ 9ആം ക്ളാസ് മുതൽ 12ആം ക്ളാസ് വരെ തുറക്കാനാണ് അനുമതി നൽകിയിരിക്കുന്നത്. പുതുച്ചേരി മുഖ്യമന്ത്രി എൻ രംഗസ്വാമിയാണ് ഇക്കാര്യം വ്യക്തമാക്കിയത്.
പ്രതിദിന കോവിഡ് കേസുകളിൽ കുറവുണ്ടായതിന് പിന്നാലെയാണ് ഇപ്പോൾ ഇളവുകൾ നൽകിയിരിക്കുന്നത്. കഴിഞ്ഞ 24 മണിക്കൂറിൽ 145 കോവിഡ് കേസുകൾ മാത്രമാണ് പുതുച്ചേരിയിൽ റിപ്പോർട് ചെയ്തത്. കൂടാതെ കഴിഞ്ഞ 6 മാസക്കാലമായി ഒരു കോവിഡ് മരണം പോലും പുതുച്ചേരിയിൽ റിപ്പോർട് ചെയ്തിട്ടില്ല.
കോവിഡ് വ്യാപനം കുറയ്ക്കുന്നതിന്റെ ഭാഗമായി വാക്സിനേഷൻ നടപടികളും വേഗത്തിൽ നടന്നു വരികയാണ്. ഇതുവരെ 5 ലക്ഷത്തിലധികം ആളുകൾ പുതുച്ചേരിയിൽ കോവിഡ് വാക്സിൻ സ്വീകരിച്ചിട്ടുണ്ട്. കൂടാതെ ഓഗസ്റ്റ് 15ന് മുൻപായി എല്ലാ ആളുകൾക്കും വാക്സിൻ നൽകുകയാണ് നിലവിൽ പുതുച്ചേരി സർക്കാർ ലക്ഷ്യം വെക്കുന്നത്.
Read also : ‘ബുദ്ധിമുട്ടിയാലേ സന്തോഷമുണ്ടാവൂ’; ഇന്ധനവില വര്ധനവില് മധ്യപ്രദേശ് മന്ത്രിയുടെ വിചിത്രവാദം