മുംബൈ : കോവിഡ് വ്യാപനം രാജ്യത്ത് തുടരുന്ന സാഹചര്യത്തില്‍ ഇക്കൊല്ലം സ്‌കൂളുകള്‍ തുറക്കില്ലെന്ന് തീരുമാനിച്ച് മുംബൈ. സ്‌കൂളുകള്‍ ഈ വര്‍ഷം ഡിസംബര്‍ 31 വരെ തുറക്കില്ലെന്നാണ് വ്യക്‌തമാക്കിയത്. സംസ്‌ഥാനത്ത് കോവിഡ് വ്യാപനത്തില്‍ കുറവുണ്ടെങ്കിലും ഡെല്‍ഹി ഉള്‍പ്പടെയുള്ള സംസ്‌ഥാനങ്ങളില്‍ രോഗവ്യാപനം രൂക്ഷമായി തന്നെ നിലനില്‍ക്കുകയാണ്.
ഡെല്‍ഹിയില്‍ പ്രതിദിന രോഗബാധിതരുടെ എണ്ണത്തില്‍ രേഖപ്പെടുത്തുന്ന വര്‍ധന മൂലം ഡെല്‍ഹിയില്‍ നിന്നും മുംബൈയിലേക്കുള്ള ട്രെയിന്‍, വിമാന സര്‍വീസുകള്‍ക്ക് നിയന്ത്രണം ഏര്‍പ്പെടുത്താനും സംസ്‌ഥാന സര്‍ക്കാര്‍ ആലോചിക്കുന്നുണ്ട്.
മഹാരാഷ്‌ട്രയില്‍ രോഗവ്യാപനത്തില്‍ കുറവുണ്ടെങ്കിലും രണ്ടാംഘട്ട വ്യാപനത്തിന്റെ ഭീഷണിയിലാണ് സംസ്‌ഥാനം. കഴിഞ്ഞ കുറച്ചു ദിവസങ്ങളായി പ്രതിദിന രോഗബാധിതരുടെ എണ്ണത്തില്‍ നേരിയ വര്‍ധനയും മഹാരാഷ്‌ട്രയില്‍ രേഖപ്പെടുത്തുന്നുണ്ട്. മഹാരാഷ്‌ട്രയില്‍ കോവിഡ് വ്യാപനം രൂക്ഷമായി നിലനിന്നിരുന്ന സാഹചര്യത്തില്‍ രാജ്യത്ത് ഏറ്റവും കൂടുതല്‍ കോവിഡ് കേസുകള്‍ റിപ്പോര്‍ട്ട് ചെയ്‌തിരുന്ന സംസ്‌ഥാനമായിരുന്നു മഹാരാഷ്‌ട്ര.
Read also : വോട്ട് കോണ്‍ഗ്രസിനെങ്കിലും സര്‍ക്കാര്‍ വരുന്നത് ബിജെപി നേതൃത്വത്തില്‍; അരവിന്ദ് കെജ്‌രിവാള്‍
