കൊച്ചി: കോവിഡ് പശ്ചാത്തലത്തില് മാസങ്ങളായി അടച്ചിട്ടിരുന്ന ലക്ഷദ്വീപിലെ സ്കൂളുകള് തുറന്നു. സ്കൂളുകളിലെ 6 മുതല് 12 വരെയുള്ള ക്ലാസുകളിലെ കുട്ടികള്ക്കാണ് പഠനം തുടങ്ങിയത്. കോവിഡ് മാനദണ്ഡങ്ങള് കൃത്യമായി പാലിച്ചാണ് സ്കൂളുകള് തുറന്നത്.
Read also: സെപ്തംബര് 21 മുതല് സ്കൂളുകള് ഭാഗികമായി തുറക്കാം
കേന്ദ്ര മാനവ വിഭവശേഷി വകുപ്പിന്റെ നിര്ദേശപ്രകാരം, ലക്ഷദ്വീപ് അഡ്മിനിസ്ട്രേഷന്റെ ഉത്തരവനുസരിച്ചാണ് സ്കൂളുകള് തുറക്കാന് വിദ്യാഭ്യാസ വകുപ്പ് തീരുമാനിച്ചത്. 6,8 ക്ലാസ്സുകളിലെ കുട്ടികള്ക്ക് തിങ്കള്, ബുധന്, വെള്ളി ദിവസങ്ങളിലും, ഏഴാംക്ലാസുകാര്ക്ക് ചൊവ്വ, വ്യാഴം, ഞായര് ദിവസങ്ങളിലുമാണ് ക്ലാസുകള് തീരുമാനിച്ചിരിക്കുന്നത്. രാവിലെ 10 മണി മുതല് ഉച്ചക്ക് 1 മണിവരെയാണ് ക്ലാസുകള് നടക്കുക.