ന്യൂഡെൽഹി: താലിബാൻ നിയന്ത്രണത്തിലുള്ള അഫ്‌ഗാനിസ്‌ഥാനിൽ നിന്ന് ഇന്ത്യക്കാരെ തിരിച്ചെത്തിക്കുന്ന ദൗത്യം തുടരുന്നതിനിടെ പൗരത്വ ഭേദഗതി നിയമം (സിഎഎ) നടപ്പിലാക്കേണ്ട ആവശ്യകതയെ കുറിച്ച് പറഞ്ഞ് കേന്ദ്രമന്ത്രി. അഫ്‌ഗാനിൽ ഹിന്ദുക്കളും സിഖുകാരും നേരിടുന്ന പ്രതിസന്ധി കാണുമ്പോൾ ബോധ്യമാകും എന്തിനാണ് സിഎഎ നടപ്പിലാക്കുന്നത് എന്ന് കേന്ദ്രമന്ത്രി ഹർദീപ് സിങ് പുരി പറഞ്ഞു.
ഇന്നലെ ഇന്ത്യൻ വ്യോമസേനയുടെ പ്രത്യേക വിമാനത്തിൽ 28 അഫ്‌ഗാൻ പൗരൻമാരും രണ്ട് സെനറ്റർമാരും ഉൾപ്പടെ 168 പേർ ഇന്ത്യയിൽ എത്തിയിരുന്നു. അഫ്‌ഗാനിൽ നിന്നുള്ള ഹിന്ദുക്കൾക്കും സിഖുകാർക്കും കേന്ദ്ര സർക്കാർ സഹായം വാഗ്ദാനം ചെയ്തിരുന്നു. അഫ്‌ഗാനിസ്‌ഥാനിലെ നിലവിലെ സ്‌ഥിതിയാണ് പൗരത്വ നിയമത്തെ വീണ്ടും ചര്‍ച്ചാ വിഷയം ആക്കിയിരിക്കുന്നത്.
Most Read: മധ്യപ്രദേശിൽ വഴിയോര കച്ചവടക്കാരന് നേരെ ആൾകൂട്ട മർദ്ദനം; സാധനങ്ങൾ കൊള്ളയടിച്ചു
