കണ്ണൂർ: ചക്കരക്കല്ല് ചെമ്പിലോട് ഒന്നാം വാർഡിൽ പേപ്പട്ടിയുടെ കടിയേറ്റ് ഏഴ് പേർക്ക് പരിക്ക്. ചെമ്പിലോട് സ്വദേശികളായ സുശീല (66), കൗസല്യ (70), സുനിത (65), ദേവകി (65), ശരണ്യ (21), ശ്രീജിത്ത് (48), താഴെചൊവ്വ സ്വദേശിനിയായ പുഷ്‌പജ (54) എന്നിവർക്കാണ് കടിയേറ്റത്. ഇന്നലെ രാവിലെ 10 മണിയോടെയാണ് സംഭവം. വാർഡിലെ സുബ്രമണ്യസ്വാമി ക്ഷേത്ര പരിസരങ്ങളിൽ താമസിക്കുന്നവരാണ് കടിയേറ്റവരിൽ കൂടുതൽ. പരിക്കേറ്റവരെ ജില്ലാ ആശുപത്രിയിൽ പ്രവേശിപ്പിച്ചു.
അടുക്കളയിൽ ജോലി ചെയ്‌ത്‌ കൊണ്ടിരിക്കുന്ന സുശീലയെ പിറകിൽ നിന്നെത്തിയാണ് പേപ്പട്ടി കടിച്ചത്. ബഹളം കേട്ടെത്തിയ മകൻ ശ്രീജിത്തിന് പട്ടിയെ പിടിച്ച് മാറ്റുമ്പോഴാണ് കടിയേറ്റത്. മുഖത്തും കൈക്കുമാണ് കൂടുതൽ പേർക്കും പരിക്കേറ്റത്. നാട്ടുകാർ തിരച്ചിൽ നടത്തിയെങ്കിലും പേപ്പട്ടിയെ കണ്ടെത്താനായില്ല. പേപ്പട്ടി ഭീതിയിൽ പ്രദേശത്തെ ആളുകൾ ഇപ്പോൾ പുറത്തിറങ്ങാൻ ഭയക്കുകയാണ്.
Read Also: പാലിയേക്കര ടോള്‍ പ്ളാസയിൽ കത്തിയാക്രമണം; രണ്ട് ജീവനക്കാർക്ക് പരിക്ക്
