തിരുവനന്തപുരം: നിലവാര പരിശോധനക്ക് അയച്ച ഇമ്മ്യുണോ ഗ്‌ളോബുലിന്‍ നിലവാരമുള്ളതെന്ന് കസോളിയിലെ കേന്ദ്ര ഡ്രഗ്‌സ് ലാബ്. സംസ്‌ഥാനത്ത് പേവിഷബാധ പ്രതിരോധത്തിന് നൽകുന്ന ഈ വാക്‌സീൻ ഗുണനിലവാരമില്ല എന്ന പരാതി വ്യാപകമായി ഉയർന്നതിനെ തുടർന്നാണ് സംസ്‌ഥാനം കൂടുതൽ പരിശോധന ആവശ്യപ്പെട്ടത്.
കേന്ദ്ര ആരോഗ്യ വകുപ്പ് മന്ത്രിക്ക് സംസ്‌ഥാന ആരോഗ്യ വകുപ്പ് മന്ത്രി വീണാ ജോര്‍ജ് കത്തെഴുതിയതിന്റെ അടിസ്‌ഥാനത്തിലാണ്‌ ഇമ്മ്യുണോ ഗ്‌ളോബുലിന്‍ വീണ്ടും പരിശോധന വിധേയമാക്കിയത്. വാക്‌സിന്‍ നല്‍കിയിട്ടും പേവിഷബാധ കാരണം മരണം സംഭവിച്ചത് സംബന്ധിച്ച് പൊതുജനങ്ങളില്‍ ഉണ്ടായ ആശങ്ക പരിഹരിക്കാന്‍ കൂടിയാണ് രണ്ട് ബാച്ച് നമ്പരിലുള്ള ഇമ്മ്യുണോ ഗ്‌ളോബുലിന്‍ പരിശോധനാ വിധേയമാക്കിയത്.
കസോളിയിലെ കേന്ദ്ര ഡ്രഗ്‌സ് ലബോറട്ടറിയിലാണ് പരിശോധന നടന്നത്. പരിശോധനയില്‍ ഇവ സ്‌റ്റാൻഡേര്‍ഡ് ക്വാളിറ്റി ആണെന്നാണ് സര്‍ട്ടിഫൈ ചെയ്‌തത്‌. കേന്ദ്ര ഡ്രഗ്‌സ് ലബോറട്ടറില്‍ പരിശോധിച്ച് ഗുണനിലവാര സര്‍ട്ടിഫിക്കറ്റ് ലഭ്യമായ വാക്‌സിനും സെറവുമാണ് നായ്‌ക്കളിൽ നിന്നുള്ള കടിയേറ്റ് ആശുപത്രികളില്‍ എത്തിയവര്‍ക്കും മരണമടഞ്ഞ 5 പേര്‍ക്കും നല്‍കിയിരുന്നത്.
Most Read: ‘മദ്രസകളും അലിഗഢ് സര്‍വകലാശാലയും തകർക്കണം’; വിവാദ പ്രഭാഷകനെതിരെ കേസ്
