കൊല്ലം: തുറമുഖത്തെത്തിയ വിദേശ കപ്പലിൽ അറ്റകുറ്റപ്പണിക്കിടെ പൊട്ടിത്തെറി. വെൽഡിങ്ങിനിടെ ജനറേറ്റർ റൂമിലാണ് പൊട്ടിത്തെറി ഉണ്ടായത്. കപ്പലിലെ എൻജിനിയറായ ഉത്തർപ്രദേശ് സ്വദേശി സത്യപ്രകാശിന് (40) പരിക്കേറ്റു.
ബുധനാഴ്ച ഉച്ചയ്ക്ക് ഒരുമണിയോടെയാണ് സംഭവം. ആന്ധ്രയിൽ നിന്ന് ആഫ്രിക്കയിലേക്ക് അരിയുമായി പോയ ഐഒഎൽ സഫയർ എന്ന കപ്പലിലാണ് പൊട്ടിത്തെറിയുണ്ടായത്. യാത്രക്കിടെ എൻജിൻ തകരാറിൽ ആയതിനെ തുടർന്ന് കപ്പൽ കൊല്ലം പോർട്ടിൽ നങ്കൂരമിടുകയായിരുന്നു.
ഇവിടെവെച്ച് അറ്റകുറ്റപ്പണി നടത്തുന്നതിനിടെ ആയിരുന്നു സ്ഫോടനം. വെൽഡ് ചെയ്യുന്നതിനിടെ പൊട്ടിത്തെറി ഉണ്ടാവുകയായിരുന്നു എന്നാണ് വിവരം. പരിക്കേറ്റ എൻജിനിയറെ കൊല്ലത്തെ സ്വകാര്യ മെഡിക്കൽ കോളേജിൽ പ്രവേശിപ്പിച്ചു. മുഖത്തും നെഞ്ചിനുമാണ് പൊള്ളലേറ്റത്. പരിക്ക് സാരമുള്ളതല്ലെന്നാണ് വിവരം.
Most Read| കെഎം ബഷീർ കേസ്; സ്പെഷ്യൽ പബ്ളിക് പ്രോസിക്യൂട്ടറെ നിയമിച്ചു
