വാഷിങ്ടന്‍: യുഎസിലെ ഇല്ലിനോയിയില്‍ ആള്‍ക്കൂട്ടത്തിനു നേരെ അക്രമി വെടിയുതിര്‍ത്തു. ടെന്‍-പിന്‍ ബൗളിങ് ഗെയിം ഏരിയയില്‍ ആണ് വെടിവെപ്പ് നടന്നത്. വെടിവെപ്പില്‍ മൂന്നുപേര്‍ കൊല്ലപ്പെടുകയും മൂന്നുപേര്‍ക്ക് ഗുരുതരമായി പരുക്കേല്‍ക്കുകയും ചെയ്‌തതായി പോലീസ് അറിയിച്ചു.
അക്രമിയെ പോലീസ് അറസ്‌റ്റ് ചെയ്‌തു. അതേസമയം അക്രമത്തിന് പിന്നിലെ കാരണം വ്യക്‌തമല്ല.
ഡോണ്‍ കാര്‍ട്ടര്‍ ലെയിനിനു സമീപമുള്ള കളിസ്‌ഥലത്തേക്ക് പൊതുജനങ്ങള്‍ക്കു പ്രവേശനം നിഷേധിച്ചിരിക്കുകയാണ്. കൂടാതെ ജനങ്ങള്‍ ജാഗ്രത പാലിക്കണമെന്നും റോക്‌ഫോര്‍ഡ് പോലീസ് മുന്നറിയിപ്പ് നല്‍കി.
National News: 2023ലെ നിയമസഭാ തിരഞ്ഞെടുപ്പില്‍ ബിജെപിക്കും കോണ്‍ഗ്രസിനുമെതിരെ പോരാടും; ദേവഗൗഡ
