കൊച്ചി: സിഐടിയുവിന്റെ ചുമതലകളിൽ നിന്ന് ഒഴിവാക്കണമെന്ന് സംസ്‌ഥാന വൈസ് പ്രസിഡണ്ടും സിപിഎം എറണാകുളം ജില്ലാ സെക്രട്ടറിയേറ്റ് മെമ്പറുമായ സികെ മണിശങ്കർ. എല്ലാ സംഘടനാ ചുമതലകളിൽ നിന്നും ഒഴിവാക്കണമെന്ന് ആവശ്യപ്പെട്ട് അദ്ദേഹം സിഐടിയു സംസ്‌ഥാന സെക്രട്ടറിക്കും സിപിഎം എറണാകുളം ജില്ലാ സെക്രട്ടറിക്കും കത്ത് നൽകി.
അടുത്ത സിഐടിയു നേതൃയോഗത്തിൽ വിഷയം ചർച്ച ചെയ്യും. എറണാകുളം ജില്ലയിലെ തിരഞ്ഞെടുപ്പ് തോൽ‌വിയിൽ മണിശങ്കറിനെതിരെ പാർട്ടി നടപടിയെടുത്തിരുന്നു. തൃക്കാക്കര മണ്ഡലത്തിലെ തോൽവിയുടെ അടിസ്‌ഥാനത്തിൽ അദ്ദേഹത്തെ ജില്ലാകമ്മിറ്റിയിലേക്കു തരം താഴ്‌ത്തുകയായിരുന്നു
എറണാകുളം ജില്ലയിൽ നിയമസഭാ തിരഞ്ഞെടുപ്പിലുണ്ടായ വീഴ്‌ച ബോധ്യപ്പെട്ടതിനെ തുടർന്നു സിപിഎം ജില്ലാ സെക്രട്ടറിയേറ്റ് അംഗമായ എൻസി മോഹനന് എതിരെയും നടപടി എടുത്തിരുന്നു. ഒരു വർഷത്തേക്കാണ് ഇരുവരെയും ചുമതലകളിൽനിന്നു മാറ്റി നിർത്തിയത്.
Most Read: ഏത് അന്വേഷണവുമായും സഹകരിക്കാൻ തയ്യാറാണെന്ന് അനിതാ പുല്ലയിൽ
