കോഴിക്കോട്: വെല്‍ഫെയര്‍ പാര്‍ട്ടിയുമായി സഖ്യം പാടില്ലെന്ന് യൂത്ത് ലീഗ് ജനറല്‍ സെക്രട്ടറി പികെ ഫിറോസ്. കോഴിക്കോട് നടന്ന വാര്‍ത്താ സമ്മേളനത്തിലാണ് പികെ ഫിറോസ് നിലപാട് വ്യക്‌തമാക്കിയത്.
നിയമസഭാ തിരഞ്ഞെടുപ്പില്‍ കോണ്‍ഗ്രസിന് വെല്‍ഫെയര്‍ പാര്‍ട്ടിയുമായി ബന്ധം പാടില്ല. വര്‍ഗീയ നിലപാടുള്ള ജമാഅത്ത് ഇസ്‍ലാമിയും വെൽഫെയർ പാർട്ടിയുമായുള്ള സഖ്യം യുഡിഫിന്റെ നിലപാടിന് വിരുദ്ധമാണ് അത് പാര്‍ട്ടിക്ക് തന്നെ തിരിച്ചടിയാണെന്നും പികെ ഫിറോസ് വ്യക്‌തമാക്കി.
സംസ്‌ഥാന സര്‍ക്കാരിനെയും ഫിറോസ് രൂക്ഷമായി വിമര്‍ശിച്ചു. സിപിഐഎം എസ്ഡിപിഐ, ബിജെപി ബന്ധം നിലനിർത്തുന്നുണ്ട്. കൊടുവള്ളിയിലെ കാരാട്ട് മോഡല്‍ വോട്ട് മറിക്കല്‍ സിപിഐഎം പലയിടത്തും നടത്തി. പികെ ഫിറോസ് പറഞ്ഞു.
അതേസമയം, ഈ മാസം 31ന് അകം യൂത്ത് ലീഗിന്റെ പുതിയ ജില്ലാ കമ്മിറ്റികള്‍ നിലവില്‍ വരുമെന്നും ഫിറോസ് വാര്‍ത്താ സമ്മേളനത്തില്‍ വ്യക്‌തമാക്കി.
Read also: വൈറ്റില പാലം; പച്ചക്ക് പറയുന്ന ബെന്നി ജോസഫിനെ ട്രോളി സോഷ്യല്‍ മീഡിയ
