കോഴിക്കോട്: കനത്ത മഴയിൽ ജലനിരപ്പ് ഉയർന്നതിനെ തുടർന്ന് കക്കയം ഡാമിന്റെ ഷട്ടറുകൾ ഇന്ന് വീണ്ടും ഉയർത്തും. മഴ കുറഞ്ഞതിനെ തുടർന്ന് ഇന്നലെ ഷട്ടറുകൾ അടച്ചിരുന്നു. ഇന്ന് രാവിലെ 10 സെന്റിമീറ്റർ ഉയർത്തി അധികജലം പുറത്തേക്ക് ഒഴുക്കിവിടുമെന്ന് അധികൃതർ അറിയിച്ചു.
ഇത് തുടർന്ന് കുറ്റ്യാടി പുഴയിൽ ജലനിരപ്പ് ഉയരാൻ സാധ്യത ഉള്ളതിനാൽ പുഴയുടെ ഇരുകരകളിലും താമസിക്കുന്നവർ ജാഗ്രത പാലിക്കണമെന്ന് നിർദ്ദേശം നൽകിയിട്ടുണ്ട്. തുടക്കത്തിൽ 5 ക്യൂബിക് മീറ്റർ/ സെക്കൻഡ് എന്ന നിലയിലായിരിക്കും ഉയർത്തുക. മഴയുടെ തോത് അനുസരിച്ച് ഒഴുക്കി വിടുന്ന വെള്ളത്തിന്റെ അളവ് കൂട്ടും.
Most Read: ആരോഗ്യനിലയിൽ പുരോഗതി; നടൻ ചിയാൻ വിക്രം ഇന്ന് ആശുപത്രി വിട്ടേക്കും