കോഴിക്കോട്: കനത്ത മഴയെ തുടർന്ന് ജലനിരപ്പ് ഉയർന്ന സാഹചര്യത്തിൽ കക്കയം ഡാമിന്റെ ഷട്ടറുകൾ ഉയർത്തി. നിലവിൽ 30 സെന്റീമീറ്റർ വീതം ഉയർത്തിയിരിക്കുന്ന കക്കയം ഡാമിന്റെ ഇരുഷട്ടറുകളിൽ ഒന്ന് രാവിലെ പത്തരയോടെ 45 സെന്റീമീറ്ററായി ഉയർത്തി. സെക്കൻഡിൽ 65 ക്യൂബിക് മീറ്റർ എന്ന നിലയിൽ വെള്ളം പുറത്തേക്ക് ഒഴുക്കിവിടുമെന്ന് എക്സിക്യൂട്ടീവ് എഞ്ചിനിയർ അറിയിച്ചു.
ഇതേ തുടർന്ന് കുറ്റ്യാടി പുഴയുടെ ഇരുകരകളിലും താമസിക്കുന്നവർ ജാഗ്രതാ പുലർത്തണമെന്ന് നിർദ്ദേശം നൽകിയിയിട്ടുണ്ട്. ഇന്ന് രാവിലെയും ശക്തമായ മഴയാണ് കോഴിക്കോട് ജില്ലയിലുടനീളം പെയ്യുന്നത്. മഴയിൽ നാശനഷ്ടങ്ങളും റിപ്പോർട് ചെയ്തിട്ടുണ്ട്. നിരവധി വീടുകൾക്ക് കേടുപാടുകൾ സംഭവിച്ചു. പലയിടങ്ങളിലും മരം വീണും മറ്റും വൈദ്യുതി ബന്ധം താറുമാറായിട്ടുണ്ട്.
Most Read: നഗ്നതാ പ്രദർശനക്കേസ്; നടൻ ശ്രീജിത്ത് രവിക്ക് ജാമ്യം