കോട്ടയം: ചീട്ടുകളിക്കിടെ ഉണ്ടായ തർക്കത്തിനിടെ യുവാവിനെ കത്രിക കൊണ്ട് കുത്തിക്കൊലപ്പെടുത്തി. പാലാ കൊല്ലപ്പള്ളി മങ്കര സ്വദേശി ലിബിൻ ജോസ് (26) ആണ് മരിച്ചത്. പാലാ സ്വദേശി അഭിലാഷാണ് ലിബിനെ കുത്തിയത്. ഒരു സ്‌ത്രീക്ക് അടക്കം മൂന്ന് പേർക്ക് പരിക്കേറ്റിട്ടുമുണ്ട്. ഇന്ന് പുലർച്ചെ ഒരുമണിയോടെയാണ് സംഭവം.
ബന്ധുവിന്റെ മകന്റെ ആദ്യ കുർബാന ചടങ്ങിന് എത്തിയതായിരുന്നു ലിബിനും സുഹൃത്തുക്കളും. ഇതേ ചടങ്ങിനെത്തിയ അഭിലാഷ് എന്നയാളുമായുണ്ടായ വാക്കുതർക്കമാണ് കൊലപാതകത്തിൽ കലാശിച്ചത്. തർക്കത്തിനിടെ അഭിലാഷ് കത്രിക കൊണ്ട് ലിബിനെ കുത്തുകയായിരുന്നു. ആക്രമണം തടയാൻ ശ്രമിച്ച നിർമല (55) എന്ന സ്‌ത്രീക്കും ബെന്നി എന്നയാൾക്കും പരിക്കേറ്റു. പോലീസ് സ്‌ഥലത്തെത്തി പരിശോധന നടത്തുകയാണ്.
Most Read| ഹൈറിച്ച് ഗ്രൂപ്പിന് തിരിച്ചടി; പ്രതികളുടെ സ്വത്തുക്കൾ സർക്കാർ അധീനതയിലേക്ക്
