സോനിപത്: ഹരിയാനയിലെ സോനിപത്തിൽ പ്രായപൂർത്തിയാകാത്ത സഹോദരിമാരെ ബലാൽസംഗം ചെയ്‌ത ശേഷം വിഷം നൽകി കൊലപ്പെടുത്തി. പെൺകുട്ടികളുടെ അമ്മയെ ബന്ദിയാക്കിയായിരുന്നു ക്രൂരകൃത്യം. പതിനാലും, പതിനഞ്ചും വയസുള്ള കുട്ടികളാണ് കൊല്ലപ്പെട്ടത്. സംഭവത്തിൽ നാല് പേരെ അറസ്‌റ്റ്‌ ചെയ്‌തു.
ഓഗസ്‌റ്റ്‌ അഞ്ചിനാണ് കേസിനാസ്‌പദമായ സംഭവം നടന്നത്. ഇവരുടെ വീട്ടിലേക്ക് അതിക്രമിച്ച് കയറിയ പ്രതികൾ പെൺകുട്ടികളെ ബലാൽസംഗം ചെയ്യുകയും കീടനാശിനി കുടിപ്പിക്കുകയുമായിരുന്നു. കുട്ടികൾക്ക് പാമ്പുകടിയേറ്റതാണ് എന്ന് പുറത്തുപറയണമെന്ന് അമ്മയെ ഭീഷണിപ്പെടുത്തുകയും ചെയ്‌തു. 22നും 25നും ഇടയിൽ പ്രായമുള്ളവരാണ് അറസ്‌റ്റിലായ പ്രതികളെന്നാണ് പ്രാഥമിക വിവരം.
Also Read: ജമ്മു കശ്‌മീരില്‍ ഗ്രനേഡുകളുമായി മാദ്ധ്യമ പ്രവര്‍ത്തകന്‍ അറസ്‌റ്റിൽ
