ആലപ്പുഴ: വിവാദമായ സോളാർ കേസിലെ അന്വേഷണ ഉദ്യോഗസ്ഥനായ റിട്ട. ഡിവൈഎസ്പി കെ ഹരികൃഷ്ണനെ ട്രെയിൻ തട്ടി മരിച്ച നിലയിൽ കണ്ടെത്തി. കായംകുളം രാമപുരത്തെ റെയിൽവേ ലെവൽ ക്രോസിൽ ഇന്ന് പുലർച്ചെയാണ് മൃതദേഹം കണ്ടെത്തിയത്. ഇദ്ദേഹത്തിന്റെ കാർ അപകടം ഉണ്ടായ സ്ഥലത്തിന് സമീപം നിർത്തിയിട്ടിരിക്കുന്ന നിലയിലും കണ്ടെത്തി. ആലപ്പുഴ ഹരിപ്പാട് ഏവൂരിലാണ് താമസം.
അതേസമയം, ഹരികൃഷ്ണന്റെ മരണം ആത്മഹത്യ ആണെന്നാണ് പ്രാഥമിക നിഗമനം. ഇദ്ദേഹത്തിന്റെ കാറിൽ നിന്ന് ആത്മഹത്യ കുറിപ്പ് കണ്ടെത്തിയിട്ടുണ്ട്. ഹരികൃഷ്ണനെതിരെ വിജിലൻസ് കേസുകൾ നിലവുണ്ട്. ഇതേ തുടർന്ന് ഇയാൾ അടുത്തിടെ കടുത്ത മാനസിക സംഘർഷത്തിൽ ആയിരുന്നുവെന്ന് ബന്ധുക്കൾ പറയുന്നു. പെരുമ്പാവൂർ ഡിവൈഎസ്പി ആയിരിക്കെയാണ് ഇദ്ദേഹം സോളാർ കേസിലെ അന്വേഷണ ഉദ്യോഗസ്ഥനായത്.
Most Read: മാനനഷ്ടക്കേസ്; രാഹുൽ ഗാന്ധിയുടെ അപ്പീൽ ഹൈക്കോടതി ഇന്ന് പരിഗണിക്കും