കൊൽക്കത്ത: നെഞ്ചുവേദനയെ തുടർന്ന് രണ്ടാമതും ആൻജിയോപ്ളാസ്‌റ്റി ശസ്ത്രക്രിയക്ക് വിധേയനായ ബിസിസിഐ അധ്യക്ഷൻ സൗരവ് ഗാംഗുലി ആശുപത്രി വിട്ടു. വ്യാഴാഴ്‌ച ശസ്ത്രക്രിയക്ക് വിധേയനായ അദ്ദേഹത്തെ ഇന്നാണ് ആശുപത്രിയിൽ നിന്നും ഡിസ്‌ചാർജ് ചെയ്‌തത്‌.
നിലവിലുള്ള ബ്ളോക്കുകൾ നീക്കാനായി രണ്ട് സ്‌റ്റെൻഡുകൾ ധമനിക്കുള്ളിൽ സ്‌ഥാപിച്ചിട്ടുണ്ട്. ഇത് രണ്ടാം തവണയാണ് ഗാംഗുലിയെ ശസ്ത്രക്രിയക്ക് വിധേയനാക്കുന്നത്. ആദ്യത്തെ ആൻജിയോപ്ളാസ്‌റ്റിക്ക് ശേഷം ഇദ്ദേഹത്തെ ജനുവരി 7ന് ഡിസ്‌ചാർജ് ചെയ്‌തിരുന്നു.
മൂന്നാഴ്‌ചക്ക് ശേഷമാണ് വീണ്ടും നെഞ്ചുവേദന അനുഭവപ്പെട്ടത്. ഇതിനെ തുടർന്ന് രണ്ടാമതും ആശുപത്രിയിൽ പ്രവേശിപ്പിക്കുകയായിരുന്നു. 48കാരനായ ഗാംഗുലി പൂർണ ആരോഗ്യവാനാണെന്ന് ആശുപത്രി അധികൃതർ അറിയിച്ചു. അടുത്ത കുറച്ച് ആഴ്‌ചത്തേക്ക് പൂർണ വിശ്രമം ആവശ്യമാണെന്ന് ഡോക്‌ടർമാർ ഗാംഗുലിയോട് നിർദേശിച്ചിട്ടുണ്ട്.
Read also: ആരോഗ്യനില മോശം; മാതാവിനെ കാണാൻ ജാമ്യം തേടി സിദ്ദീഖ് കാപ്പൻ
