ചെന്നൈ: കോവിഡ് ബാധയെ തുടര്‍ന്ന് ആശുപത്രിയില്‍ പ്രവേശിപ്പിച്ച പ്രശസ്‌ത ഗായകന്‍ എസ്.പി.ബിയുടെ നില ഗുരുതരം. അദ്ദേഹം ചികിത്സയില്‍ കഴിയുന്ന ചെന്നൈയിലെ എംജിഎം ആശുപത്രി മെഡിക്കല്‍ ബുള്ളറ്റിനിലൂടെ പുറത്തുവിട്ടതാണ് ഇത്.
സെപ്റ്റംബര്‍ 8-ന് കോവിഡ് രോഗമുക്തി നേടിയെങ്കിലും ശ്വാസകോശ സംബന്ധമായ ബുദ്ധിമുട്ടുകള്‍ കാരണം വെന്റിലേറ്ററില്‍ തുടരുകയായിരുന്നു. പ്ലാസ്‌മ തെറാപ്പി അടക്കമുള്ള ചികിത്സ രീതികള്‍ക്ക് അദ്ദേഹം വിധേയനായിരുന്നു. അദ്ദേഹത്തിന്റെ ആരോഗ്യത്തില്‍ പുരോഗതിയുണ്ടെന്നും എത്രയും പെട്ടെന്ന് തന്നെ ആശുപത്രി വിടാന്‍ കഴിയുമെന്ന് പ്രതീക്ഷിക്കുന്നുവെന്നും മകന്‍ എസ്.ബി ചരണ്‍ ഈയിടെ വ്യക്തമാക്കിയിരുന്നു.
എന്നാല്‍ നിലവിലെ സ്ഥിതി ആശങ്ക ജനകമാണെന്ന് ആശുപത്രി അധികൃതര്‍ അറിയിക്കുന്നു. സാധ്യമായ എല്ലാ ചികിത്സയും അദ്ദേഹത്തിന് നല്‍കുമെന്നും അവര്‍ അറിയിച്ചു.
