ബ്യൂണസ് ഐറിസ്: അന്തരിച്ച ഫുട്ബോൾ ഇതിഹാസം ഡീഗോ മറഡോണയുടെ ചിത്രം കറൻസികളിൽ ഉൾപ്പെടുത്തണമെന്ന ആവശ്യവുമായി അർജന്റീന പാർലമെന്റിൽ പ്രത്യേക ബിൽ. സെനറ്റർ നോർമ ഡുറാങ്കോയാണ് കഴിഞ്ഞ ദിവസം ഈ ആവശ്യം ഉന്നയിച്ച് പാർലമെന്റിൽ ബിൽ അവതരിപ്പിച്ചത്.
അർജന്റീനയുടെ കറൻസിയായ 1,000 പെസോ നോട്ടിന്റെ ഒരു ഭാഗത്ത് മറഡോണയുടെ ചിത്രവും മറുഭാഗത്ത് 1986ലെ മെക്‌സിക്കോ ലോകകപ്പിൽ ഇംഗ്ളണ്ടിനെതിരെ മറഡോണ നേടിയ ഗോളിന്റെ ചിത്രവും ഉൾപ്പെടുത്തണമെന്നാണ് ഡുറാങ്കോയുടെ ആവശ്യം. അർജന്റീനയിൽ ഏറ്റവും ഉയർന്ന മൂല്യമുള്ള കറൻസിയാണ് 1,000 പെസോ.
ഇക്കഴിഞ്ഞ നവംബർ 25നാണ് മറഡോണ അന്തരിച്ചത്. ഹൃദയാഘാതത്തെ തുടർന്ന് ട്രിഗ്വെയിലെ വസതിയിലായിരുന്നു ഇദ്ദേഹത്തിന്റെ അന്ത്യം.
Read also: ആദ്യം ഷോപ്പിങ് ബട്ടൺ; പിന്നാലെ ‘കാർട്ട്’ ഫീച്ചറും അവതരിപ്പിച്ച് വാട്‌സ്ആപ്പ്
