രാമേശ്വരം: തമിഴ്‌നാട്ടില്‍ നിന്നുള്ള 43 മൽസ്യ തൊഴിലാളികളെ ശ്രീലങ്കന്‍ നാവിക സേന അറസ്‌റ്റ് ചെയ്‌തു. ഇവര്‍ സഞ്ചരിച്ചിരുന്ന ആറ് ബോട്ടുകളും പിടിച്ചെടുത്തു.
ഡിസംബര്‍ 18ന് കടലില്‍ പോയ മൽസ്യ തൊഴിലാളികൾ കച്ചാത്തീവ് ദ്വീപില്‍ മീന്‍ പിടിക്കുന്നതിനിടെയാണ് 43 പേരെയും ആറ് ബോട്ടുകളും ശ്രീലങ്കന്‍ സേന പിടികൂടിയത്. അറസ്‌റ്റിലായവരെ കംഗേസന്‍തുറൈയിലെ സൈനിക ക്യാംപിലേക്ക് കൊണ്ടുപോയതായാണ് വിവരം.
ഇവരെ ഉടന്‍ വിട്ടയക്കണമെന്ന് ആവശ്യപ്പെട്ട് തിങ്കളാഴ്‌ച പ്രതിഷേധ പരിപാടിയും തുടർന്ന് അനിശ്‌ചിതകാല സമരവും മൽസ്യ തൊഴിലാളി അസോസിയേഷന്‍ പ്രഖ്യാപിച്ചിട്ടുണ്ട്.
Read also: തമിഴ്‌നാട്ടിൽ വനിതാ മാവോയിസ്‌റ്റ് നേതാവ് കീഴടങ്ങി
