പാലക്കാട്: ആർഎസ്‌എസ്‌ പ്രവർത്തകൻ ശ്രീനിവാസനെ കൊലപ്പെടുത്തിയ സംഘം സഞ്ചരിച്ചിരുന്ന ഇരുചക്ര വാഹനം കണ്ടെത്തി. തടുക്കാശ്ശേരി മുളംകുഴിയിലെ റബ്ബർ പുകപ്പുരക്ക് പിന്നിലായി ഒളിപ്പിച്ചിരിക്കുകയായിരുന്നു സ്‌കൂട്ടർ. കഴിഞ്ഞ ദിവസം അറസ്‌റ്റിലായ ഇഖ്ബാലാണ് അന്വേഷണ സംഘത്തിന് വാഹനം കാണിച്ച് കൊടുത്തത്. ശ്രീനിവാസനെ വെട്ടി വീഴ്‌ത്തിയ മൂന്നുപേരിൽ ഒരാൾ ഇഖ്ബാൽ ഓടിച്ചിരുന്ന വാഹനത്തിലാണ് സഞ്ചരിച്ചിരുന്നത്.
ഇഖ്ബാൽ ഒളിവിൽ കഴിഞ്ഞിരുന്ന മുളയംകുഴി പള്ളി മഖാം പരിസരത്തും എത്തിച്ച് തെളിവെടുത്തു. കൊലയിൽ നേരിട്ട് പങ്കെടുത്ത അഞ്ചാളുകൾ ഉൾപ്പടെ പോലീസിന്റെ അന്വേഷണ പരിധിയിൽ ഉണ്ടെന്നാണ് അന്വേഷണ സംഘം പറയുന്നത്. ശ്രീനിവാസൻ വധക്കേസിൽ ഇതുവരെ ഒൻപത് പേരുടെ അറസ്‌റ്റ്‌ രേഖപ്പെടുത്തിയിട്ടുണ്ട്.
Most Read: വീടിന് തീപിടിച്ച് ദമ്പതികള്‍ മരിച്ച സംഭവം; ആത്‌മഹത്യയെന്ന് പോലീസ്
