തിരുവനന്തപുരം : കോവിഡ് വ്യാപനം കണക്കിലെടുത്ത് സംസ്‌ഥാനത്തെ ബാങ്കുകള്‍ക്ക് എല്ലാ ശനിയാഴ്‌ചകളിലും നല്‍കിയിരുന്ന അവധി സര്‍ക്കാര്‍ പിന്‍വലിച്ചു. ഇനിമുതല്‍ സാധാരണയായി ലഭിച്ചിരുന്ന രണ്ടാം ശനിയാഴ്‌ചയിലേയും, നാലാം ശനിയാഴ്‌ചയിലേയും അവധി മാത്രമേ ബാങ്ക് ജീവനക്കാര്‍ക്ക് ലഭിക്കുകയുള്ളൂ.
കോവിഡ് വ്യാപനം രൂക്ഷമായ സാഹചര്യത്തിലാണ് സംസ്‌ഥാനത്തെ ബാങ്കുകളില്‍ എല്ലാ ശനിയാഴ്‌ചയും അവധി നൽകാന്‍ സര്‍ക്കാര്‍ തീരുമാനം എടുത്തത്. ബാങ്ക് ജീവനക്കാര്‍ക്ക് ഒപ്പം തന്നെ മറ്റ് സര്‍ക്കാര്‍ ഓഫീസുകളിലും ജീവനക്കാര്‍ക്ക് എല്ലാ ശനിയാഴ്‌ചകളിലും സര്‍ക്കാര്‍ അവധി പ്രഖ്യാപിച്ചിരുന്നു. എന്നാല്‍ നിലവില്‍ ബാങ്ക് ജീവനക്കാരുടെ അവധി സംബന്ധിച്ച തീരുമാനം മാത്രമേ സര്‍ക്കാര്‍ പുറത്തു വിട്ടിട്ടുള്ളൂ. മറ്റ് സര്‍ക്കാര്‍ ഓഫീസുകള്‍ ശനിയാഴ്‌ച പ്രവര്‍ത്തിക്കുന്നത് സംബന്ധിച്ച് ഇതുവരെ നിര്‍ദേശങ്ങള്‍ നല്‍കിയിട്ടില്ല.
Read also : കിഫ്ബിയെ തകർക്കാൻ ആസൂത്രിത നീക്കം; അട്ടിമറിക്കാൻ ശ്രമിക്കുന്നവരുടെ കൂട്ടത്തിൽ സിഎജിയും; മുഖ്യമന്ത്രി
