എറണാകുളം: വാഗമണ്ണിൽ മൂന്നു ദിവസത്തെ അടിസ്‌ഥാന ഫോട്ടോഗ്രാഫി കോഴ്‌സ് പഠിക്കാൻ അവസരം. ഫോട്ടോഗ്രാഫിയുടെ പ്രാഥമിക പാഠങ്ങളും അടിസ്‌ഥാന സാങ്കേതിക വിദ്യകളും ലൈറ്റിങ് പാറ്റേണുകളും വെറും മൂന്നു ദിവസംകൊണ്ട് പഠിച്ചെടുക്കാൻ കഴിയുന്ന കോഴ്‌സാണ് ‘ലൈറ്റ് മാജിക്ക് ഫോട്ടോസ്‌കൂൾ’ ഒരുക്കുന്നത്. 2021ഏപ്രിൽ 9 വെള്ളി മുതൽ 11 ഞായർ വരെയാണ് ഈ പഠന ക്യാംപ്.
6000 രൂപ കോഴ്‌സ് ഫീസ് ഉണ്ടായിരുന്ന ഈ ത്രിദിന പഠനം ഇപ്പോൾ വെറും 2999 രൂപക്ക് സാധ്യമാണ്. മൂന്നു ദിവസം പൂർത്തീകരിക്കുന്ന പഠിതാക്കൾക്ക് ‘ലൈറ്റ് മാജിക്ക് ഫോട്ടോസ്‌കൂൾ’ നൽകുന്ന സർട്ടിഫിക്കറ്റും കരസ്‌ഥമാക്കാം. മാത്രവുമല്ല, മൂന്ന് ദിവസത്തെ താമസവും ഭക്ഷണവും, ട്രക്കിങ്ങ് ഫീസും ഉൾപ്പടെയാണ് ഈ സൗകര്യം എന്നതാണ് ഇതിലെ ഹൈലൈറ്റ്.
സൗത്ത് ഇന്ത്യയിലെ ഏറ്റവും മികച്ച ഇവന്റോ ഗ്രാഫറും ലൈറ്റിങ് എക്‌സ്‌പെർട്ടുമായ ഗോപൻ അമ്പാട്ടും, പ്രമുഖ ഡോക്യുമെന്റേഷൻ ഫോട്ടോ ജേർണലിസ്‌റ്റും ഫോട്ടോഗ്രാഫി മെന്ററുമായ ജമാൽ പനമ്പാടുമാണ് ക്യാംപിൽ അധ്യാപകരായി എത്തുന്നത്. പൂർണമായും കോവിഡ് മാനദണ്ഡങ്ങൾ പാലിച്ച് കൊണ്ട് നടക്കുന്ന ക്യാംപായതിനാൽ പരമാവധി 20 പേർക്ക് മാത്രമേ പങ്കെടുക്കാൻ സാധിക്കുകയുള്ളു; സംഘാടകർ പറഞ്ഞു.
“Expedition Holidays എന്ന ട്രിപ്പ് മേക്കിംഗ് കമ്പനിയാണ് ലൈറ്റ് മാജിക്ക് ഫോട്ടോസ്‌കൂളുമായി സഹകരിച്ച് കൊണ്ട് ഈ കോഴ്‌സ് നടപ്പിലാക്കുന്നത്. വാഗമണ്ണിലെ മഞ്ഞുവീഴുന്ന താഴ്‌വരയിൽ ഒരുമിച്ച് കൂടി, കുന്നിൻ നെറുകയിലെ സൂര്യോദയവും സൂര്യാസ്‌തമയങ്ങളും കണ്ട്, രാത്രിയുടെ തണുപ്പിൽ ഒരുമിച്ചിരുന്ന് തീകാഞ്ഞു, ഫോട്ടോഗ്രാഫി എന്ന മാസ്‌മരിക കലയുടെ പ്രാഥമിക പാഠങ്ങളും പ്രൊഫഷണൽ ക്യാമറാ ടെക്‌നിക്കുകളും ലൈറ്റിങ് പാറ്റേണുകളും ഉൾകൊള്ളുന്ന മനോഹരമായ ഒരു ത്രിദിന കോഴ്‌സ് പഠിക്കുകയും സർട്ടിഫിക്കറ്റ് കരസ്‌ഥമാക്കുകയും ചെയ്യാൻ സാധിക്കുന്ന ഇത്രയും കുറഞ്ഞ ഫീസുള്ള മറ്റൊരു കോഴ്‌സും ഇന്ന് നിലവിലില്ല“ ലൈറ്റ് മാജിക്ക് ഫോട്ടോസ്‌കൂൾ സ്‌ഥാപകനും പ്രശസ്‌ത ഫോട്ടോഗ്രാഫറുമായ ജമാൽ പനമ്പാട് മലബാർ ന്യൂസിനോട് പറഞ്ഞു.
സ്വന്തമായി ഡിഎസ്എൽആർ / പ്രൊഫഷണൽ ക്യാമറ കയ്യിലുണ്ടായിട്ടും, അതിന്റെ മാനുവൽ സെറ്റിങ്ങുകളും ക്രിയേറ്റീവ് മോഡുകളും ഉപയോഗപ്പെടുത്തി പ്രൊഫഷണൽ മികവാർന്ന ഒരു ഫോട്ടോ എടുക്കാൻ കഴിയാത്ത എല്ലാവർക്കും ഈ കോഴ്‌സ് ഉപയോഗപ്പെടുത്താം; ജമാൽ വിശദീകരിച്ചു.
വില കൂടിയ സാങ്കേതിക സംവിധാനങ്ങളോ സാധന സാമിഗ്രികളോ ഇല്ലാതെ തന്നെ ചെയ്യാവുന്ന ബിൽഡ് ഇൻ ഫ്ളാഷ് ക്രിയേറ്റീവ് ഫോട്ടോഗ്രാഫി, ഇൻഡോർ ഫ്ളാഷ് ഫോട്ടോഗ്രാഫി, ഔട്ട്ഡോർ ഫ്ളാഷ് ഫോട്ടോഗ്രാഫി, എക്‌സ്‌റ്റേണൽ ക്രിയേറ്റീവ് ലൈറ്റിങ്, ഫിൽ ലൈറ്റിങ്, സോഫ്റ്റ് ലൈറ്റിങ്, റംബ്രാന്തൽ ലൈറ്റിങ് തുടങ്ങിയ ടെക്‌നിക്കുകളും പാറ്റേണുകളും മൂന്ന് ദിവസങ്ങൾകൊണ്ട് പ്രായോഗിക പരിശീലനത്തോടെ സ്വായത്തമാക്കാൻ കഴിയുന്ന വിധത്തിലാണ് ക്യാംപിന്റെ മൊഡ്യൂൾ; ജമാൽ പനമ്പാട് വ്യക്‌തമാക്കി.
ക്യാംപിൽ മികച്ച പ്രകടനം കാഴ്‌ചവെക്കുന്നവർക്ക് പ്രത്യേക സമ്മാനങ്ങളും, ക്യാംപിൽ പങ്കെടുക്കുന്ന എല്ലാ അംഗങ്ങൾക്കും ഡിസ്‌കൗണ്ട് കൂപ്പണുകളും, ഗിഫ്റ്റ് വൗച്ചറുകളുമൊക്കെയായി കേരളത്തിലെ പ്രമുഖ ക്യാമറാ സെല്ലിങ്ങ് ഔട്ട്ലറ്റായ തൃശൂരിലെ കല ഡിജിറ്റൽസും ഈ കോഴ്‌സിൽ സഹകരിക്കുന്നുണ്ട്; ഇദ്ദേഹം പറഞ്ഞു.
താൽപര്യം ഉള്ളവർക്ക് കോഴ്‌സ് ബുക്ക് ചെയ്യാനും സംശയ ദുരീകരണത്തിനും 8943 847 897, 944 7356 777 ഈ നമ്പറുകളിൽ ബന്ധപ്പെടാം.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
