കോഴിക്കോട്: ജില്ലയിലെ വടകരയിൽ റോഡരുകുകളിൽ തമ്പടിക്കുന്ന നായകൾ കാൽനട യാത്രക്കാർക്കും, ഇരുചക്ര വാഹന യാത്രക്കാർക്കും വലിയ ഭീഷണിയാകുന്നു. റോഡിന് കുറുകെ നായകൾ ചാടി ഇരുചക്ര വാഹനങ്ങൾ അപകടത്തിൽ പെടുന്നത് ഇപ്പോൾ പതിവായിരിക്കുകയാണ്. കൂടാതെ റോഡുകളിലും പരിസര പ്രദേശങ്ങളിലും ഇവയുടെ സാനിധ്യം വർധിക്കുന്നത് കാൽനട യാത്രക്കാർക്ക് വലിയ വെല്ലുവിളിയാണ് സൃഷ്ടിക്കുന്നത്.
പാതയോരങ്ങളിൽ നായകൾ പെറ്റുപെരുകുകയാണ്. ഇവ റോഡിന് കുറുകെ ഓടുന്നതാണ് അപകടങ്ങൾ വർധിക്കാൻ കാരണമാകുന്നത്. ഒപ്പം തന്നെ ഇരുചക്ര വാഹനങ്ങൾ ആക്രമിക്കാനും ഇവ പായാറുണ്ട്. നഗരത്തിലെ ചില തിരക്കേറിയ സ്ഥലങ്ങളിൽ നായകൾക്ക് പതിവായി ഭക്ഷണം എത്തിക്കുന്നവരുണ്ട്. ഭക്ഷണം കിട്ടിയ ശേഷം നടപ്പാതകളിലാണ് നായകളുടെ വിശ്രമം.
പുതിയ ബസ് സ്റ്റാൻഡ്, കോൺവന്റ് റോഡ്, മാർക്കറ്റ് പരിസരം, ജെടിഎസ് റോഡ്, റെയിൽവേ സ്റ്റേഷൻ റോഡ് എന്നിവിടങ്ങളിലും ജില്ലാ ആശുപത്രി റോഡിൽ പുതിയാപ്പ് വരെയും നായകളുടെ താവളമാണ്.
Read also: പലിശ രഹിത വായ്പ; സംസ്ഥാനങ്ങൾക്ക് ഒരു ലക്ഷം കോടി രൂപ പ്രഖ്യാപിച്ചു