ന്യൂഡെൽഹി: സംസ്‌ഥാനങ്ങൾക്ക് ഒരു ലക്ഷം കോടിയുടെ പലിശരഹിത വായ്‌പ കേന്ദ്ര ബജറ്റിൽ പ്രഖ്യാപിച്ചു. രാഷ്‌ട്രത്തിന്റെ സമഗ്ര സാമ്പത്തിക വളർച്ചക്കും നിക്ഷേപങ്ങൾക്കും സംസ്‌ഥാനങ്ങളുടെ പങ്കാളിത്തം ത്വരിതപ്പെടുത്തുക എന്ന ലക്ഷ്യത്തോടെയാണ് വായ്‌പ പ്രഖ്യാപിച്ചിരിക്കുന്നത്.
അതാത് സംസ്‌ഥാനങ്ങൾക്ക് അനുവദിക്കപ്പെട്ട വായ്‌പക്ക് പുറമെയുള്ള പലിശരഹിത വായ്‌പയാണിത്. 50 വർഷമാണ് വായ്‌പാ കാലാവധി. പ്രധാനമന്ത്രിയുടെ ഗതിശക്‌തി പദ്ധതിക്കും മറ്റ് ഉൽപാദന മുതൽ മുടക്കിലേക്കുമുള്ള സംസ്‌ഥാനങ്ങളുടെ ഇടപെടൽ കൂടി ഉദ്ദേശിച്ചുകൊണ്ടാണ് ഒരു ലക്ഷം കോടി പലിശ രഹിത വായ്‌പ ബജറ്റിൽ വകയിരുത്തിയിരിക്കുന്നത്.
Also Read: രഞ്‌ജിത് വധക്കേസ്; മുഖ്യ പ്രതികളിൽ ഒരാൾ കൂടി പിടിയിൽ
